ഡല്ഹിയിലെ അന്തരീക്ഷ മലിനീകരണം: നിയമലംഘകര്ക്കെതിരെ കര്ശന നടപടി സ്വീകരിക്കാന് സുപ്രീം കോടതി നിര്ദേശം; സ്ഥിതിഗതികള് കൈകാര്യം ചെയ്യാന് സര്ക്കാരും ഉദ്യോഗസ്ഥരും തമ്മില് യാതൊരു ഏകോപനവും ഇല്ലെന്നും കോടതി
ഡല്ഹിയിലെ അന്തരീക്ഷ മലിനീകരണത്തില് ഉത്തരവാദികള്ക്കെതിരെ കര്ശന സ്വീകരിക്കണമെന്ന് സുപ്രീം കോടതി. മലിനീകരണവുമായി ബന്ധപ്പെട്ട് ഹര്ജി സുപ്രീം കോടതി പരിഗണിക്കുന്നതിനിടെയാണ് കോടതിയുടെ പരാമര്ശം. വയല് കത്തിക്കുന്നതിന് ബദലായി മാര്ഗം കണ്ടെത്തുന്നതില് കേന്ദ്രസംസ്ഥാന സര്ക്കാരുകള് പരാജയപ്പെട്ടുവെന്നും കോടതി വിമര്ശിച്ചു. വയല് അവശിഷ്ടങ്ങള് കത്തിക്കുന്നില്ലെന്ന് ബന്ധപ്പെട്ട സര്ക്കാരുകള് ഉറപ്പുവരുത്തണം.
വയല് കത്തിക്കുന്നതുമായി ബന്ധപ്പെട്ട് ഉടനടി നടപടിയാണ് ആവശ്യം. ഇത്തരം സ്ഥിതിഗതികള് കൈകാര്യം ചെയ്യാന് സര്ക്കാരും ഉദ്യോഗസ്ഥരും തമ്മില് യാതൊരു ഏകോപനവും ഇല്ലെന്നും കോടതി വിമര്ശിച്ചു. എന്നാല് കര്ഷകരെ അവഗണിച്ച് മുന്നോട്ടുപോകാന് കഴിയില്ലെന്ന് കേന്ദ്രസര്ക്കാര് വ്യക്തമാക്കി. തുടര്ന്ന് പഞ്ചാബ് ചീഫ് സെക്രട്ടറിയോട് വിവരങ്ങള് തേടി കോടതി, പ്രശ്നപരിഹാരത്തിന് ആവശ്യത്തിന് ഫണ്ട് സര്ക്കാരിനുണ്ടോ എന്നു തേടി. ഇല്ലെങ്കില് അക്കാര്യം കോടതിയെ അറിയിക്കുക.
വയല് കത്തിക്കുന്ന പ്രശ്നം ഒഴിവാക്കാനുള്ള ഫണ്ട് നല്കാമെന്ന് ജസ്റ്റീസ് അരുണ് മിശ്രയുടെ ബെഞ്ച് പറഞ്ഞു.പ്രശ്നം പരിക്കുന്നതില് ഹരിയാന സര്ക്കാര് ദയനീയമായി പരാജയപ്പെട്ടുവെന്ന കോടതി ഹരിയാന ചീഫ് സെക്രട്ടറിയെ അറിയിച്ചു. നിയമലംഘനം നടത്തിയ നാലു ജില്ലകളിലെ ആളുകള്ക്കെതിരെ എന്തു നടപടി സ്വീകരിച്ചുവെന്നും കോടതി ആരാഞ്ഞു.തുടര്ന്ന് ഡല്ഹി ചീഫ് സെക്രട്ടറിയെയും കോടതി കണക്കിന് വിമര്ശിച്ചു. റോഡ്, നിര്മ്മാണ മേഖല, മാലിന്യം തള്ളല് എന്നിവിടങ്ങളിലെ പൊടികള് ഒഴിവാക്കണമെന്ന് നിര്ദേശിച്ചു.
അതിനു കഴിയുന്നില്ലെങ്കില് എന്തിന് ഈ പദവിയില് തുടരുന്നുവെന്നായിരുന്നു കോടതിയുടെ ചോദ്യം. ഡല്ഹിയില് നിര്മ്മാണ പ്രവര്ത്തനങ്ങള് ഇപ്പോഴും തുടരുന്നു. നിയമലംഘകര്ക്കെതിരെ കര്ശന നടപടി സ്വീകരിക്കണമെന്നും ചൂണ്ടിക്കാട്ടി.വികസന പ്രവര്ത്തനങ്ങള്ക്ക് ലോകബാങ്കില് നിന്നെത്തുന്ന ഫണ്ടുകള്ക്ക് എന്തു സംഭവിക്കുന്നുവെന്ന ചോദ്യവും കോടതി ആരാഞ്ഞു. വലിയ ഫണ്ടുകള് വരുന്നുണ്ട്. സ്മാര്ട് സിറ്റി എന്ന സങ്കല്പം എവിടെയാണ്. റോഡുകള് എന്തുകൊണ്ടാണ് മെച്ചപ്പെടാത്തതെന്നും കോടതി സര്ക്കാരുകളോട് ആരാഞ്ഞു.
https://www.facebook.com/Malayalivartha