ബുദ്ധി കൂടിയാലും പ്രശ്നമാണ്... ജ്വല്ലറി മോഷ്ടാക്കള്ക്ക് പറ്റിയ പറ്റ്?
ജ്വല്ലറിയില് മോഷണം നടത്തിയതിന് ശേഷം കള്ളന്മാര് തെളിവ് നശിപ്പിക്കാന് ശ്രമിച്ചതാണ് ഇപ്പോള് സോഷ്യല് മീഡിയയില് പ്രചരിക്കുന്നത്. കള്ളന്മാര് തെളിവ് നശിപ്പിക്കാന് സിസിടിവിയുടെ ഡിജിറ്റല് റെക്കോര്ഡര് ആണെന്ന് കരുതി കള്ളന്മാര് അടിച്ചുമാറ്റിയത് ടിവിയുടെ സെറ്റ് ടോപ്പ് ബോക്സ്. ബീഗംപുറില് ശനിയാഴ്ച ഉച്ചയ്ക്കാണ് സംഭവം നടന്നത്. ശനിയാഴ്ച ഉച്ചയോടെയാണ് ഉപഭോക്താക്കളെന്ന വ്യാജേന രണ്ടുപേര് ജ്വല്ലറിയില് എത്തിയത്.
ആ സമയത്ത് ജ്വല്ലറിയുടെ ഉടമയായ ഗുല്ഷന് മാത്രമേ ജ്വല്ലറിയിലുണ്ടായിരുന്നുള്ളു.പിന്നീട് മറ്റു രണ്ടുപേര് കൂടിയെത്തുകയായിരുന്നു. മുഖം മറയ്ക്കാതെയാണ് പ്രതികള് ജ്വല്ലറിയിലെത്തിയത്. കടയില് ആരുമില്ലെന്ന് മനസ്സിലാക്കിയ സംഘം കടയുടമയെ തോക്ക് കാണിച്ച് ഭീഷണിപ്പെടുത്തി ജ്വല്ലറി കൊള്ളയടിക്കുകയായിരുന്നു. മോഷണം ചെറുക്കുന്നതിനിടെ ഗുല്ഷനെ സംഘം മര്ദിക്കുന്നതും സിസിടിവിയില് പതിഞ്ഞിട്ടുണ്ട്.
25 ലക്ഷം രൂപയുടെ ആഭരണങ്ങളും ഒരുലക്ഷത്തോളം രൂപയും കൈക്കലാക്കിയാണ്സംഘം കടന്നത്. ഇതിനിടെ തെളിവ് നശിപ്പിക്കുന്നതിനായി സിസിടിവി റെക്കോര്ഡര് തട്ടിയെടുക്കാന് ശ്രമിക്കുകയായിരുന്നു. എന്നാല് സിസിടിവി റോക്കോര്ഡിന് പകരം ടിവിയുടെ സെറ്റ് ടോപ്പ് ബോക്സ് ആണ് ഇവര് എടുത്തത്. ജ്വല്ലറി കൊള്ളയടിക്കുന്നതിന്റെയും സെറ്റ് ടോപ്പ് ബോക്സ് എടുക്കുന്നതിന്റയും ദൃശ്യങ്ങളും സിസിടിവിയില് പതിഞ്ഞിട്ടുണ്ട്.
https://www.facebook.com/Malayalivartha
