ബെഡില് കിടക്കുന്ന നിലയിലായിരുന്നു മൃതദേഹം... കഴുത്തില് ക്ഷതമേറ്റ പാടുകളുണ്ടായിരുന്നു... അകത്തുനിന്നു മുറി പൂട്ടിയ നിലയിൽ, വാതില് തകര്ത്ത് അകത്ത് കയറിയപ്പോള് കണ്ടത് തൂങ്ങി നില്ക്കുന്ന ഭാര്യയെ!! നാവികസേനാ ഉദ്യോഗസ്ഥന്റെ ഭാര്യയെ മരിച്ചനിലയില് കണ്ടെത്തിയ സംഭവത്തിൽ അന്വേഷണം തുടങ്ങി
മൂന്നു വര്ഷം മുന്പാണ് വിവേകും പരിണികയും വിവാഹിതരായത്. നാവികസേനാ ഉദ്യോഗസ്ഥന്റെ ഭാര്യയെ മരിച്ചനിലയില് കണ്ടെത്തി. തെക്കുപടിഞ്ഞാറന് ഡല്ഹിയിലെ താരാപുര് എന്ക്ലേവിലെ വീട്ടിലാണ് ലഫ്. കമാന്ഡര് വിവേക് തിവാരിയുടെ ഭാര്യ പരീണികയെ ബുധനാഴ്ച മരിച്ചനിലയില് കണ്ടെത്തിയത്. വിവരമറിഞ്ഞ് പോലീസ് വീട്ടിലെത്തുമ്പോൾ പരീണിക (29) മരിച്ചിരുന്നു.
ബെഡില് കിടക്കുന്ന നിലയിലായിരുന്നു മൃതദേഹം. കഴുത്തില് ക്ഷതമേറ്റ പാടുകളുണ്ടായിരുന്നു. അകത്തുനിന്നു മുറി പൂട്ടിയശേഷം പരീണിക തൂങ്ങുകയായിരുന്നെന്ന് വിവേക് പോലീസിനോടു പറഞ്ഞു. വാതില് തകര്ത്താണ് താന് അകത്തു കടന്നതെന്നും ഭാര്യയെ താഴെ ഇറക്കിയശേഷം പോലീസിനെ വിവരമറിയിക്കുകയായിരുന്നെന്നും ഭര്ത്താവ് വ്യക്തമാക്കി. വിവേകിന്റെ മൊഴി പോലീസ് പൂര്ണമായി വിശ്വസിച്ചിട്ടില്ല. സംഭവത്തില് മജിസ്റ്റീരിയല് അന്വേഷണം ആരംഭിച്ചു.
https://www.facebook.com/Malayalivartha