More Stories...

വിന്‍ഡീസിന് വാണിംഗ് നല്‍കി അമിതാഭ് ബച്ചന്‍... വിരാടിനെ ശല്യപ്പെടുത്തരുതെന്ന് എത്രയോ തവണ പറഞ്ഞതാണ്

ഉത്തര്‍പ്രദേശ് സ്ത്രീകളുടെ മരണ ഭൂമിയായി മാറിയെന്ന് പി ചിദംബരം

യുപിയിലെ ബിജെപി സര്‍ക്കാരിന് കീഴില്‍ ഒരു സ്ത്രീ പോലും സുരക്ഷിതയല്ല; തുറന്നടിച്ച് മായാവതി

ബി​ജെ​പി നേ​താ​ക്ക​ള്‍​ക്കെ​തി​രെ വ​ന്‍ പ്ര​തി​ഷേ​ധം; ഉന്നാവില്‍ ബലാത്സംഗക്കേസ് പ്രതികള്‍ തീകൊളുത്തി കൊലചെയ്ത പെണ്‍കുട്ടിയുടെ വീട് സന്ദർശിക്കാൻ എത്തിയ യു.പി മന്ത്രിമാര്‍ക്ക് നേരെ പ്രതിഷേധവുമായി നാട്ടുകാര്‍

ദയാഹര്‍ജി പിന്‍വലിച്ചു; നിര്‍ഭയ കേസ് പ്രതികളില്‍ ഒരാളായ വിനയ് ശര്‍മ രാഷ്ട്രപതിക്ക് സമര്‍പ്പിച്ച ദയാഹര്‍ജി പിന്‍വലിച്ചു

തദ്ദേശീയമായി ഇന്ത്യ നിര്‍മിച്ച 2000 കിലോമീറ്റർ ദൂരപരിധിയുള്ള മധ്യദൂര ബാലിസ്റ്റിക് മിസൈൽ അഗ്നി-2 ന്റെ രാത്രികാലപരീക്ഷണം വിജയകരം... ആണവ പോർമുന വഹിക്കാൻ ശേഷിയുള്ള മിസൈലിന്‍റെ ആദ്യ രാത്രി പരീക്ഷണമാണ് നടത്തിയത്..

ഒഡിഷയില്‍ അബ്ദുല്‍കലാം ദ്വീപിലായിരുന്നു പരീക്ഷണ വിക്ഷേപണം നടന്നത്. സൈന്യത്തിന്റെ സ്ട്രാറ്റജിക് ഫോഴ്‌സ് കമാന്‍ഡ് മൊബൈൽ ലോഞ്ചർ ഉപയോഗിച്ചാണ് മിസൈൽ പരീക്ഷണ വിക്ഷേപണം നടത്തിയത്.

പ്രതിരോധ ഗവേഷണ സ്ഥാപനമായ ഡി.ആര്‍.ഡി.ഒ ആണ് അഗ്നി മിസൈല്‍ വികസിപ്പിച്ചത്. നിലവില്‍ മിസൈല്‍ സൈന്യത്തിന്റെ ഭാഗമാണ്. 17 ടണ്‍ ഭാരമുള്ള മിസൈലിന് 20 മീറ്റര്‍ ആണ് നീളം. 2,000 കിലോമീറ്റര്‍ പ്രഹരപരിധിയുള്ള മിസൈലിന് 1,000 കിലോയോളം പേലോഡ് വഹിക്കാനാകും. ആണവായുധങ്ങൾ ഉപയോഗിക്കാന്‍ ശേഷിയുള്ളതാണ് അഗ്നി മിസൈല്‍. സെക്കന്‍ഡില്‍ 3.5 കിലോമീറ്ററാണ് മിസൈലിന്റെ വേഗം. നിലവില്‍ ഇന്ത്യയുടെ പക്കലുള്ള ഏറ്റവും പ്രഹരപരിധിയുള്ള ബാലിസ്റ്റിക് മിസൈല്‍ അഗ്നി -5 ആണ്. ഭൂഖണ്ഡാന്തര ബാലിസ്റ്റിക് മിസൈലായ അഗ്നി -5ന് 5,000 കിലോമീറ്ററാണ് പ്രഹര പരിധി...

700 കിലോമീറ്റർ ദൂരപരിധിയുള്ള അഗ്നി-1, 3000 കിലോമീറ്റർ ദൂരപരിധിയുള്ള അഗ്നി-3, അഗ്നി-5 എന്നിവയാണ് അഗ്നി മിസൈലിന്‍റെ മറ്റ് പതിപ്പുകൾ. 1999 ഏപ്രിൽ 11നാണ് അഗ്നി-2ന്‍റെ ആദ്യ പരീക്ഷണം നടത്തിയത്. 2010 മെയ് 17ന് അഗ്നി-2 ആണവ പോർമുന ശേഷി പരീക്ഷിച്ചു....2018ൽ ആണവ പോർമുന വഹിക്കാൻ കഴിയുന്ന അഗ്നി-4 മിസൈൽ വിജയകരമായി പരീക്ഷിച്ചിരുന്നു.

അഗ്നി–3 ന് 3000 കിലോമീറ്ററാണു ദൂരപരിധി. അഗ്നി – 4, അഗ്നി – 5 എന്നിവ ഭൂഖണ്ഡാന്തര ബാലിസ്റ്റിക് മിസൈലുകളാണ്..പ്രവർത്തനത്തിലും ഗതിനിയന്ത്രണത്തിലും കൂടുതൽ മികവുള്ള അഗ്നി – 5 ചൈനയിൽ നിന്നും പാക്കിസ്ഥാനിൽ നിന്നുമുള്ള ഏതു വെല്ലുവിളികളെയും നേരിടാൻ പര്യാപ്തമാണ് ..ചൈനയും പാകിസ്ഥാനും പൂര്ണമായിത്തന്നെ ഈ മിസൈലിന്റെ പരിധിക്കുള്ളിലാണ്

അഗ്നി – 5 ഔദ്യോഗികമായി സൈന്യത്തിന്റെ ആയുധപ്പുരയിലെത്തിയതോടെ 5000 കിലോമീറ്ററിനു മേൽ ദൂരപരിധിയുള്ള മിസൈലുകൾ സ്വന്തമായ രാജ്യങ്ങളുടെ കൂട്ടത്തിൽ ഇന്ത്യയും ചേർന്നു . നിലവിൽ അമേരിക്ക, ബ്രിട്ടൻ, റഷ്യ, ചൈന, ഫ്രാൻസ് തുടങ്ങിയവയ്ക്കു മാത്രമേ ഈ മിസൈൽ ഉള്ളൂ. ‘ഫയർ ആൻഡ് ഫോർഗെറ്റ്’ വിഭാഗത്തിൽപെട്ട അഗ്നി–5 ഒരിക്കൽ തൊടുത്തു കഴിഞ്ഞാൽ മിസൈൽവേധ ഇന്റർസെപ്റ്റർ മിസൈലുകൾ ഉപയോഗിച്ചു മാത്രമേ തടുക്കാനാകൂ...