കോയമ്പത്തൂരില്‍ നിന്നും പറന്നുയര്‍ന്ന ഇന്‍ഗിഡോ വിമാനത്തില്‍ പുക ഉയര്‍ന്നതിനെ തുടര്‍ന്ന് ചെന്നൈ വിമാനത്താവളത്തില്‍ അടിയന്തര ലാന്‍ഡിങ് നടത്തി. വിമാനത്തിലെ കാര്‍ഗോ ഏരിയയില്‍ നിന്നാണ് പുക മുന്നറിയിപ്പ് നല്‍കുന്ന അലാറം അടിച്ചത്. തുടര്‍ന്ന് പൈലറ്റ് ചെന്നൈയില്‍ അടിയന്തര ലാന്‍ഡിങ്ങിന് അനുമതി തേടുകയായിരുന്നു.
വിമാനം സുരക്ഷിതമായി ഇറക്കിയതായും തീപിടിത്തമോ മറ്റ് കേടുപാടുകളോ ഉണ്ടായിട്ടില്ലെന്നും കമ്പനി അറിയിച്ചു. യാത്രക്കാരും വിമാനജീവനക്കാരും സുരക്ഷിതരാണ്.