നിപ വൈറസ് ബാധിച്ച രോഗികളെ പരിചരിക്കുന്നതിനിടെ മരണമടഞ്ഞ പി.എന്. ലിനി ഉള്പ്പെടെ നാലു മലയാളികളടക്കം 36 പേര്ക്ക് ദേശീയ ഫ്ലോറന്സ് നൈറ്റിങ്ഗേല് നഴ്സസ് പുരസ്കാരങ്ങള് രാഷ്ട്രപതി രാംനാഥ് കോവിന്ദ് നല്കി
06 DECEMBER 2019 07:28 AM IST
മലയാളി വാര്ത്ത
ദേശീയ ഫ്ലോറന്സ് നൈറ്റിങ്ഗേല് നഴ്സസ് പുരസ്കാരങ്ങള് രാഷ്ട്രപതി രാംനാഥ് കോവിന്ദ് വിതരണം ചെയ്തു. നിപ വൈറസ് ബാധിച്ച രോഗികളെ പരിചരിക്കുന്നതിനിടെ മരണമടഞ്ഞ പി.എന്. ലിനി ഉള്പ്പെടെ നാലു മലയാളികളടക്കം 36 പേര് പുരസ്കാരത്തിന് അര്ഹരായി. കേരളത്തില് നിപ ബാധയുണ്ടായപ്പോള് ലിനി നടത്തിയ ത്യാഗത്തിനു മുന്നില് നമിക്കുന്നതായി രാഷ്ട്രപതി പറഞ്ഞു. കോഴിക്കോട് മെഡിക്കല് കോളേജ് ആശുപത്രിയിലെ എന്. ശോഭന, കവരത്തി ഇന്ദിര ഗാന്ധി ആശുപത്രിയിലെ നഴ്സിങ് ഓഫിസര് പി.എസ്. മുഹമ്മദ് സാലി, മിലിട്ടറി നഴ്സിങ് സര്വിസ് ഡെപ്യൂട്ടി ഡയറക്ടര് ജനറല് തിരുവനന്തപുരം ഇലിപ്പോട് സ്വദേശി ബ്രിഗേഡിയര് പി.ജി. ഉഷാ ദേവി എന്നിവരാണ് പുരസ്കാരം ലഭിച്ച മറ്റു മലയാളികള്. ലിനിക്കായി ഭര്ത്താവ് പി. സജീഷ് പുരസ്കാരം ഏറ്റുവാങ്ങി.
"
അപ്പപ്പോഴുള്ള വാര്ത്തയറിയാന് ഞങ്ങളുടെ ഫേസ്ബുക്ക് പേജ് LIKE ചെയ്യുക
https://www.facebook.com/Malayalivartha
https://www.facebook.com/Malayalivartha
