വടക്കന്‍ ഡല്‍ഹിയിലെ അനാജ് മണ്ഡിയില്‍ വീണ്ടും തീപിടിത്തം. കഴിഞ്ഞ തീപിടിത്തമുണ്ടായി 43 പേര്‍ മരിച്ച കെട്ടിടത്തില്‍ തന്നെയാണ് ഇന്ന് പുലര്‍ച്ചെ വീണ്ടും തീപടര്‍ന്നത്. നാല് അഗ്‌നി ശമന യൂനിറ്റുകള്‍ സ്ഥലത്തെത്തി തീയണക്കാനുള്ള ശ്രമം തുടരുകയാണ്. അനാജ് മണ്ഡിയിലെ ഝാന്‍സി റാണി റോഡിലുളള കെട്ടിടത്തില്‍ ബാഗ് നിര്‍മാണ യൂനിറ്റാണ് പ്രവര്‍ത്തിച്ചിരുന്നത്. പരിക്കേറ്റ നിരവധി പേര്‍ വിവിധ ആശുപത്രികളില്‍ ചികിത്സയിലാണ്.

പഴയ കെട്ടിടത്തിലെ വൈദ്യുതി ഷോര്‍ട് സര്‍ക്യൂട്ട് മൂലമാണ് തീപിടിത്തമുണ്ടായത്. കെട്ടിടത്തില്‍ അഗ്‌നി സുരക്ഷ സംവിധാനങ്ങള്‍ ഉണ്ടായിരുന്നില്ല.