പൗരത്വ ഭേദഗതി നിയമത്തിനെതിരെ രാജ്യത്തുടനീളം പ്രതിഷേധം കനക്കുകയാണ്. പൗരത്വ നിയമ ഭേദഗതിയില്‍ കേന്ദ്രസര്‍ക്കാരിനെതിരെ തുടക്കം മുതല്‍ വിമര്‍ശനവുമായി രംഗത്തെത്തിയ താരമാണ് സിദ്ധാര്‍ത്ഥ്. വിഷയത്തിൽ വീണ്ടും പ്രതികരണവുമായി എത്തിയിരിക്കുകയാണ് നടന്‍ സിദ്ധാര്‍ത്ഥ്. ഫാസിസത്തെ അകറ്റി നിര്‍ത്തണമെന്നും ഇന്ത്യയെ രക്ഷിക്കണമെന്നും വീണ്ടും ആവര്‍ത്തിക്കുകയാണ് താരം. ട്വിറ്ററിലൂടെയാണ് താരം ആഞ്ഞടിച്ചത്.

ആദ്യം അവര്‍ മുസ്ലീങ്ങളെ മാറ്റിനിര്‍ത്തും, പിന്നീട് ക്രിസ്ത്യാനികളെ, ശേഷം മറ്റ് മതസ്ഥരെ. പിന്നാലെ അവര്‍ അടിച്ചമര്‍ത്തപ്പെട്ട മറ്റ് ജാതിവിഭാഗങ്ങളെയും. പിന്നീട് തന്ത്രപരമായി സ്ത്രീകളുടെ അവകാശങ്ങള്‍ക്കു പിന്നാലെ പോകും. വിഭജിക്കാന്‍ അവര്‍ എപ്പോഴും ഒരു വഴി കണ്ടെത്തും. വിദ്വേഷത്തിനായും അവര്‍ ഒരു മാര്‍ഗം കണ്ടെത്തും. അതാണവരുടെ മാര്‍ഗം. ഫാസിസത്തോട് നോ പറയൂ. ഇന്ത്യയെ രക്ഷിക്കൂ' എന്നാണ് സിദ്ധാര്‍ത്ഥ് ട്വീറ്ററില്‍ കുറിച്ചത്.

കഴിഞ്ഞ ദിവസം ജാമിയ മിലിയ സര്‍വകലാശാലയില്‍ സമരം നടത്തുന്ന വിദ്യാര്‍ഥികള്‍ക്ക് ഐക്യദാര്‍ഢ്യം പ്രഖ്യാപിച്ച്‌ സിദ്ധാര്‍ഥ് എത്തിയിരുന്നു. മോദിയും അമിത് ഷായും കൃഷ്ണനും അര്‍ജുനനുമല്ല, ദുര്യോധനനും ശകുനിയുമാണെന്നായിരുന്നു സിദ്ധാര്‍ത്ഥ് ട്വീറ്റ് ചെയ്തത്. കശ്മീരിന്റെ പ്രത്യേക പദവി റദ്ദാക്കിയ സമയത്ത് രജനികാന്ത് പ്രധാനമന്ത്രിയെയും ആഭ്യന്തര മന്ത്രിയേയും കൃഷ്ണനും അര്‍ജുനനും എന്ന് വിശേഷിപ്പിച്ചിരുന്നു. ഇതിന്റെ പശ്ചാത്തലത്തിലായിരുന്നു വിമര്‍ശനം.

ഇതിനു മുമ്ബും നിരവധി തവണ കേന്ദ്ര സര്‍ക്കാറിനെതിരെ തുറന്ന പ്രതിഷേധം പ്രകടിപ്പിച്ച നടന്‍ കൂടിയാണ് സിദ്ധാര്‍ഥ്. ശരിക്ക് വേണ്ടി നമ്മള്‍ പോരാടണമെന്നും സിദ്ധാര്‍ത്ഥ് ട്വീറ്റില്‍ കുറിച്ചു.

പൗ​ര​ത്വ ഭേ​ദ​ഗ​തി നി​യ​മ​ത്തി​നെ​തി​രേ​യു​ള്ള പ്ര​ക്ഷോ​ഭ​ത്തി​നു പി​ന്തു​യു​മാ​യി എയ്ത്തിയിരിക്കുകയാണ് ന​ട​ന്‍ പ്ര​കാ​ശ് രാ​ജ്. വി​ദ്യാ​ര്‍​ഥി പ്ര​തി​ഷേ​ധം കൂ​ടു​ത​ല്‍ ക​രു​ത്താ​ര്‍​ജി​ച്ച​തോ​ടെ​യാ​ണു പ്ര​കാ​ശ് രാ​ജ് ഭ​ര​ണ​കൂ​ട​ത്തി​നെ​തി​രേ ശക്തമായി ആ​ഞ്ഞ​ടി​ച്ച്‌ വീ​ണ്ടും വി​ദ്യാ​ര്‍​ഥി​ക​ള്‍​ക്കു പി​ന്തു​ണ പ്ര​ഖ്യാ​പി​ക്കു​ന്ന​ത്.

മൗ​നം സ​മ്മ​ത​മാ​ണ്, ന​മ്മു​ടെ ശ​ബ്ദ​ത്തെ നി​ശ​ബ്ദ​മാ​ക്കാ​ന്‍ ഒ​രു തെ​മ്മാ​ടി​യെ​യും അ​നു​വ​ദി​ക്ക​രു​ത് എ​ന്നാ​യി​രു​ന്നു പ്ര​കാ​ശ് രാ​ജി​ന്‍റെ ട്വി​റ്റ​റി​ലെ പ​രാ​മ​ര്‍​ശം. ഇ​ന്ത്യ​ന്‍​സ് എഗൈന്‍സ്റ്റ് സി​എ​ബി, സ്റ്റാ​ന്‍​ഡ് വി​ത്ത് ജാ​മി​യ എ​ന്നീ ഹാ​ഷ്ടാ​ഗു​ക​ളോ​ടെ​യാ​ണ് ഇ​ദ്ദേ​ഹ​ത്തി​ന്‍റെ ട്വീ​റ്റ്. ഇ​ത് ആ​ദ്യ​മാ​യാ​ണ് പ്ര​കാ​ശ് രാ​ജ് ഈ ​വി​ഷ​യ​ത്തി​ല്‍ പ്ര​തി​ക​രി​ക്കു​ന്ന​ത്. നേ​ര​ത്തെ​യും കേ​ന്ദ്ര സ​ര്‍​ക്കാ​രി​നും ബി​ജെ​പി​ക്കു​മെ​തി​രേ പ്രകാശ് രാജ് രൂ​ക്ഷ വി​മ​ര്‍​ശ​ന​ങ്ങ​ള്‍ ഉ​യ​ര്‍​ത്തി​യി​ട്ടു​ണ്ട്.

മോദി സര്‍ക്കാറിന്റെ ശക്തനായ വിമര്‍ശകനാണ് പ്രകാശ് രാജ്. പൗരത്വ നിയമത്തിനെതിരെയും അദ്ദേഹം നേരത്തെ പ്രതികരിച്ചിട്ടുണ്ട്.