കോണ്‍ഗ്രസിനും മുന്‍ യുപിഎ സര്‍ക്കാരിനുമെതിരെ രൂക്ഷ വിമര്‍ശവുമായി കേന്ദ്ര ധനമന്ത്രി അരുണ്‍ ജയ്റ്റ്‌ലി രംഗത്തെത്തി. യുപിഎ സര്‍ക്കാരിന്റെ കാലത്ത് കൊണ്ടുവന്ന ഭൂമി ഏറ്റെടുക്കല്‍ ബില്‍ ദേശീയ സുരക്ഷയ്ക്ക് ഭീഷണിയായിരുന്നെന്ന് അരുണ്‍ ജയ്റ്റ്‌ലി കുറ്റപ്പെടുത്തി. രാജ്യത്ത് വരാന്‍ പോകുന്ന പ്രതിരോധ പദ്ധതികളെക്കുറിച്ച് പാക്കിസ്ഥാന് വിവരം ലഭിക്കുന്ന സ്ഥിതിയായിരുന്നു ഉണ്ടായിരുന്നത്. പ്രതിരോധ, സുരക്ഷാ പദ്ധതികളെ നിയമം ബാധകമാകുന്ന പദ്ധതികളില്‍ നിന്ന് ഒഴിവാക്കണ്ടതായിരുന്നു. ഭൂമി ഏറ്റെടുക്കുമ്പോള്‍ 70% ഗ്രാമീണരുടെ കൈയൊപ്പു വാങ്ങണം, സാമൂഹികാഘാത പഠനം നടത്തണം എന്നി വ്യവസ്ഥകള്‍ യുപിഎ കൊണ്ടുവന്ന നിയമത്തില്‍ ഉണ്ടായിരുന്നു.
ഇത്തരത്തില്‍ പദ്ധതിയുടെ സുപ്രധാന വിവരങ്ങള്‍ വെളിപ്പെടുത്തേണ്ടി വരും. ഈ വിവരങ്ങള്‍ പാക്കിസ്ഥാനിലും എത്തിയേക്കും. ഇതിനാല്‍ തന്നെ യുപിഎയുടെ ഭൂനിയമം വികലമായ നിയമമായിരുന്നു. ഈ ബില്‍ തിരുത്തുകയാണ് നിലവിലെ സര്‍ക്കാര്‍ ചെയ്തിരിക്കുന്നതെന്നും ജയ്റ്റ്‌ലി പറഞ്ഞു. അതേസമയം, എന്‍ഡിഎ സര്‍ക്കാരിന്റെ ഭൂമി ഏറ്റെടുക്കല്‍ ഭേദഗതി ബില്ലിനെതിരെ സഖ്യകക്ഷിയായ ശിവസേന രംഗത്തെത്തി. അധികാരമുപയോഗിച്ചു കര്‍ഷകരുടെ അവകാശം തട്ടിയെടുക്കുന്ന സര്‍ക്കാരിന്റെ നീക്കങ്ങളോടു യോജിക്കാനാവില്ലെന്നു ശിവസേന വ്യക്തമാക്കി. കര്‍ഷകരെ ഭൂമിയില്‍ നിന്നു തന്നെ ഇല്ലാതാക്കുന്നതിനായുള്ള ശ്രമമാണ് ഭൂമി ഏറ്റെടുക്കല്‍ ഭേദഗതി ബില്ലിലൂടെ കൊണ്ടു വരാന്‍ എന്‍ഡിഎ സര്‍ക്കാര്‍ ശ്രമിക്കുന്നതെന്നും ശിവസേന കുറ്റപ്പെടുത്തി.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha