രാജസ്ഥാനിലെ കോട്ടയില് നവജാത ശിശുക്കളുടെ മരണം 107 ആയി.... കേന്ദ്ര സംഘം ആശുപത്രിയില് പരേിശോധനയ്ക്കെത്തി
രാജസ്ഥാനിലെ കോട്ട ജെ.കെ. ലോണ് ആശുപത്രിയില് 35 ദിവസത്തിനിടെ മരിച്ച നവജാത ശിശുക്കളുടെ എണ്ണം 107 ആയി. കഴിഞ്ഞ ഡിസംബറില് മാത്രം 100 ശിശുക്കളാണ് ഈ സര്ക്കാര് ആശുപത്രിയില് മരിച്ചത്. ഈ വര്ഷം ഇതുവരെ ഏഴ് കുട്ടികള് കൂടി മരിച്ച സാഹചര്യത്തില് കേന്ദ്ര സംഘം ആശുപത്രിയില് പരിശോധനക്കെത്തി. ജോഥ്പുര് എ.ഐ.ഐ.എം.എസിലെ വിദഗ്ധരടങ്ങുന്ന സംഘം ആശുപത്രിയിലെ അടിസ്ഥാന സൗകര്യങ്ങളുടെ കുറവും ചികിത്സ പിഴവ് വന്നിട്ടുണ്ടോയെന്നും പരിശോധിക്കുകയാണ്.
ആശുപത്രിയിലെ സൗകര്യങ്ങള് വര്ധിപ്പിച്ച് ശിശുമരണങ്ങള് ആവര്ത്തിക്കാതിരിക്കാന് എത്ര ഫണ്ട് അനുവദിക്കേണ്ടി വരുമെന്ന കണക്കെടുപ്പും വിദഗ്ധര് നടത്തും. കോട്ടയില് നിന്നുള്ള എം.പിയും ലോക്സഭ സ്പീക്കറുമായ ഓം ബിര്ളയും ആശുപത്രിയിലെത്തി മരിച്ച ശിശുക്കളുടെ മാതാപിതാക്കളും ബന്ധുക്കളുമായി ചര്ച്ച നടത്തുന്നുണ്ട്.
ഡിസംബര് 23നും 24നും 48 മണിക്കൂറിനിടെ പത്ത് ശിശുക്കള് മരിച്ചതോടെയാണ് കോട്ടയിലെ ശിശുമരണങ്ങള് ദേശീയ ശ്രദ്ധ പിടിച്ചുപറ്റുന്നത്. തുടര്ന്ന് നടന്ന അന്വേഷണത്തിലാണ് ഡിസംബര് തുടക്കം മുതലുള്ള ശിശുമരണങ്ങളുടെ വിവരങ്ങള് പുറത്തുവന്നത്.തുടര്ന്ന് ദേശീയ ശിശു സംരക്ഷണ കമ്മീഷനും ബി.ജെ.പി പാര്ലമന്റെറി സംഘവും ആശുപത്രി സന്ദര്ശിച്ചിരുന്നു. ദേശീയ ബാലാവകാശ സംരക്ഷണ കമ്മീഷന് കോണ്ഗ്രസ് സര്ക്കാറിന് കാരണം കാണിക്കല് നോട്ടീസ് നല്കിയിട്ടുമുണ്ട്.
പ്രസവ സമയത്തെ ഭാരക്കുറവാണ് ശിശുക്കളുടെ മരണത്തിനിടയാക്കുന്ന പ്രധാന കാരണമെന്നാണ് ആശുപത്രി സൂപ്രണ്ട് ഡോ. സുരേഷ് ദുലാര പറയുന്നത്. അതേസമയം 2014ല് 11,98 കുട്ടികള് മരിച്ചിട്ടുണ്ടെന്നും ഇത് താരതമ്യം ചെയ്യുമ്ബോള് 2019ല് ശിശുമരണ നിരക്ക് കുറഞ്ഞിട്ടുണ്ടെന്നുമാണ് ആശുപത്രി അധികൃതരുടെ വിശദീകരണം. കേന്ദ്ര ആരോഗ്യമന്ത്രി ഹര്ഷവര്ധന് വിഷയത്തില് ഇടപെട്ടതോടെയാണ് കേന്ദ്ര ഉന്നതസംഘത്തിന്റെ സന്ദര്ശനം നടക്കുന്നത്.
https://www.facebook.com/Malayalivartha