മഹാരാഷ്ട്രയിലെ ത്രികക്ഷി സര്ക്കാരിന്റെ വകുപ്പ് വിഭജനം പൂര്ത്തിയായി... പൊതുഭരണം ഉദ്ധവിന്, ധനകാര്യം അജിത് പവാറിന്
മഹാരാഷ്ട്രയിലെ ത്രികക്ഷി സര്ക്കാരിന്റെ വകുപ്പ് വിഭജനം പൂര്ത്തിയായി. ശിവസേന തലവന് ഉദ്ധവ് താക്കറെയുടെ നേതൃത്വത്തില് കോണ്ഗ്രസ്-എന്സിപി-ശിവസേന സഖ്യം അധികാരത്തിലെത്തി ഒരു മാസമാകുമ്പോഴാണ് വകുപ്പ് വിഭജനത്തില് ധാരണയായത്. ധാരണ പ്രകാരം ധനകാര്യം എന്സിപി നേതാവും ഉപമുഖ്യമന്ത്രിയുമായ അജിത് പവാറിനും, ടൂറിസം-പരിസ്ഥിതി എന്നിവ ശിവസേന നേതാവ് ആദിത്യ താക്കറെയ്ക്കും ലഭിക്കും.
പൊതുഭരണം, ഇന്ഫര്മേഷന് ടെക്നോളജി, നിയമവകുപ്പുകള് എന്നിവ മുഖ്യമന്ത്രി ഉദ്ധവ് താക്കറേയ്ക്ക് ലഭിച്ചു. ഞായറാഴ്ച രാവിലെ മുഖ്യമന്ത്രി നല്കിയ പട്ടിക ഗവര്ണര് അംഗീകരിച്ചു. എന്സിപിയുടെ അനില് ദേശ്മുഖ് ആഭ്യന്തരം കൈകാര്യം ചെയ്യും. റവന്യു വകുപ്പ് കോണ്ഗ്രസ് നേതാവ് ബാലസാഹേബ് തോറട്ടിനാണ് നല്കിയത്.
വ്യവസായം-ഖനനം വകുപ്പുകള് ശിവസേനയുടെ സുഭാഷ് ദേശായിക്കാണ് നല്കിയിട്ടുള്ളത്. മുതിര്ന്ന കോണ്ഗ്രസ് നേതാവ് അശോക് ചവാന് പൊതുമരാമത്ത് വകുപ്പും നല്കി
"
https://www.facebook.com/Malayalivartha