ദില്ലിയില് അടുത്ത മാസം എട്ടിന് നിയമസഭാ തെരഞ്ഞെടുപ്പ് പ്രഖ്യാപിച്ച സാഹചര്യത്തില് ആംആദ്മി പാര്ട്ടിയും മുഖ്യമന്ത്രി അരവിന്ദ് കെജ്രിവാളും രണ്ടാമൂഴത്തിന് ഒരുങ്ങുമ്പോള് കോണ്ഗ്രസ് ഏതാണ്ട് പരാജയം സമ്മതിച്ച അവസ്ഥയിലാണ്
ദില്ലിയില് അടുത്ത മാസം എട്ടിന് നിയമസഭാ തെരഞ്ഞെടുപ്പ് പ്രഖ്യാപിച്ച സാഹചര്യത്തില് ആംആദ്മി പാര്ട്ടിയും മുഖ്യമന്ത്രി അരവിന്ദ് കെജ്രിവാളും രണ്ടാമൂഴത്തിന് ഒരുങ്ങുമ്പോള് കോണ്ഗ്രസ് ഏതാണ്ട് പരാജയം സമ്മതിച്ച അവസ്ഥയിലാണ്. ബി.ജെ.പിയാകട്ടെ രണ്ടും കല്പ്പച്ച് പൊരുതാനുറച്ച് നില്ക്കുകയാണ്. ഡല്ഹിയിലെ അനധികൃത കോളനികള്ക്ക് കേന്ദ്രസര്ക്കാര് അംഗീകാരം നല്കിയതോടെ ബി.ജെ.പി വലിയ പ്രതീക്ഷയാണ് വച്ചുപുലര്ത്തുന്നത്. ലോക്സഭാ തെരഞ്ഞെടുപ്പുകളില് ബി.ജെ.പി ഡല്ഹിയില് വലിയ മുന്നേറ്റമാണ് നടത്തിയത്. ഏതാണ്ട് 58 ശതമാനം വോട്ട് അവര്ക്ക് ലഭിച്ചിരുന്നു. അന്ന് കോണ്ഗ്രസ് ആംആദ്മി പാര്ട്ടിയുമായി ചേര്ന്ന് മത്സരിക്കാന് തീരുമാനിച്ചിരുന്നെങ്കിലും പ്രധാന നേതാവായ ഷീലാദീക്ഷിത് അതിനെ എതിര്ത്ത് രംഗത്ത് വന്നതോടെ ആ നീക്കം പൊളിയുകയായിരുന്നു.
പ്രധാനമന്ത്രി നരേന്ദ്രമോദിയും ആഭ്യന്തരമന്ത്രി അമിത്ഷായും ഇതിനകം ഡല്ഹിയില് റാലികളില് പങ്കെടുത്തുകഴിഞ്ഞു. കെജ്രിവാള് സര്ക്കാര് വെള്ളം, വൈദ്യുതി കരങ്ങള് വെട്ടിക്കുറച്ചത് സാധാരണക്കാര്ക്കിടയില് വേരോട്ടം സൃഷ്്ടിക്കാനായി എന്നും വിലയിരുത്തുന്നു. ലോക്സഭാ തെരഞ്ഞെടുപ്പിലുണ്ടായ സാഹചര്യമല്ല നിയമസഭാ തെരഞ്ഞെടുപ്പ് ഘട്ടത്തിലുള്ളതെന്നും രാഷ്ട്രീയ നിരീക്ഷകര് വിലയിരുത്തുന്നു. 70 മണ്ഡലങ്ങളിലാണ് തെരഞ്ഞെടുപ്പ് നടക്കുന്നത്. പൗരത്വനിയമഭേദഗതിക്കെതിരെ രാജ്യ തലസ്ഥാനത്ത് വലിയ പ്രക്ഷോഭം നടക്കുകയാണ്. അതിനാല് അത് തെരഞ്ഞെടുപ്പിനെ ബാധിക്കുമെന്നാണ് വിലയിരുത്തല്. അയോധ്യാ കേസില് അടക്കമുള്ള ദേശീയ വിഷയങ്ങളില് കെജ്രിവാളും ആംആദ്മി പാര്ട്ടിയും ചര്ച്ച ചെയ്യുകയോ, പ്രതികരിക്കുകയോ ചെയ്തിട്ടില്ല. അങ്ങനെ വന്നാല് അത് ബി.ജെ.പിക്ക് ഗുണം ചെയ്യുമെന്ന് കെജ്രിവാളിന് അറിയാം. അതുകൊണ്ട് സംസ്ഥാനത്തെ പ്രാദേശിക പ്രശ്നങ്ങള് മാത്രമാണ് ചര്ച്ച ചെയ്തത്.
കെജ്രിവാളിന്റെ ഭരണം വണ്മാന്ഷോ ആണെന്ന ആക്ഷേപവും ശക്തമാണ്. ഡല്ഹിയിലെ ബി.ജെ.പി നേതാക്കള് പോലും സി.എ.എ അടക്കമുള്ള ദേശീയ വിഷയങ്ങള് ചര്ച്ച ചെയ്യുന്നില്ല. തന്റെയും സര്ക്കാരിന്റെയും പ്രവര്ത്തനങ്ങള് വിലയിരുത്തി ആംആദ്മി സര്ക്കാര് പ്രോഗ്രസ് കാര്ഡ് ഇറക്കിയിട്ടുണ്ട്. അതിനെ നിഷേധിക്കാന് ഡല്ഹി ബി.ജെ.പി അധ്യക്ഷന് പോലും കഴിഞ്ഞിട്ടില്ല. കോണ്ഗ്രസ് ആകട്ടെ മൗനത്തിലാണ്. ബി.ജെ.പിയെ ഭരണത്തിലെത്തിക്കാതിരിക്കാന് അവര് ആംആദ്മിയുമായി സഹകരിക്കുമോ എന്ന് കാത്തിരുന്ന് കാണാം. ഷീലാദീക്ഷിത്തിന്റെ മരണത്തോടെ ഡല്ഹിയില് കോണ്ഗ്രസിന് ഉയര്ത്തിക്കാട്ടാന് ഒരു നേതാവ് പോലുമില്ല. അരവിന്ദ് കെജ്രിവാളിനാണ് തെരഞ്ഞെടുപ്പില് മുന്തൂക്കമെന്ന് എ.ഐസി.സി അംഗം പി.ടി ചാക്കോ കഴിഞ്ഞദിവസം വ്യക്തമാക്കിയിരുന്നു.
2013ല് വൈദ്യുതി ബില്ലിനെതിരെ പ്രക്ഷോഭം സംഘടിപ്പിച്ചാണ് ആംആദ്മി പാര്ട്ടി ഡല്ഹിയില് സജ്ജീവമായത്. അവരുടെ സര്ക്കാര് വൈദ്യുതി ബില് കുറയ്ക്കുകയും പലര്ക്കും ബില് അടയ്ക്കേണ്ടാത സാഹചര്യം ഒരുക്കുകയും ചെയ്തു. കുടിവെള്ള വിതരണവും കാര്യക്ഷമമാക്കി. 2015ലെ നിയമസഭാ തെരഞ്ഞെടുപ്പില് 70 അംഗ നിയമസഭയില് 67 സീറ്റും തൂത്തുവാരിയാണ് അരവിന്ദ് കെജ്രിവാളും ആം ആദ്മി പാര്ട്ടിയും ദേശീയ പാര്ട്ടികളായ കോണ്ഗ്രസിനെയും ബി.ജെ.പിയേയും ഞെട്ടിച്ചത്. 2019ല് നടന്ന ലോക്സഭാ തെരഞ്ഞെടുപ്പില് ഏഴ് സീറ്റുകളും നേടി ബിജെപി ശക്തമായ തിരിച്ചു വരവ് നടത്തി. കോര്പ്പറേഷന് തെരഞ്ഞെടുപ്പുകളിലും അത് നിലനിര്ത്താനായി. പൊലീസില് അടക്കം കേന്ദ്രസര്ക്കാരിനുള്ള അധികാരം ആംആദ്മി സര്ക്കാരിനെ വെട്ടിലാക്കിയിരുന്നു. അതിനെതിരെ അവര് നിരന്തരം പ്രക്ഷോഭങ്ങളും സംഘടിപ്പിച്ചിരുന്നു. 1.46 കോടി വോട്ടര്മാരാണ് ജനവിധി എഴുതുന്നത്. ഇവര്ക്കായി 13,750 പോളിംഗ് ബൂത്തുകള് സജ്ജമാക്കും
https://www.facebook.com/Malayalivartha
