''വാക്കാണ് ഏറ്റവും വലിയ സത്യം'' മൊയ്തീൻ കാഞ്ചന മാലയോട് പറഞ്ഞ ഈ വാചകം മലയാളികൾ ഒന്നടങ്കം ഹൃദയത്തിൽ ഏറ്റിയ വാചകമാണ്. പാർവതി എന്ന നടിയുടെ വാക്കുകൾ പലപ്പോഴും കുറിക്ക് കൊള്ളാറുള്ളതാണ്‌. പലപ്പോഴും തനറെ നിലപാടുകൾ ശക്തമായ ഭാഷയിൽ വാക്കുകളിലുടെ പാർവതി പറഞ്ഞിട്ടുണ്ട്. ഇപ്പോൾ ഇതാ തന്നെ ഉപദേശിക്കാൻ വന്ന ഒരു ആരാധകന് കിടിലൻ മറുപടി നൽകിയിരിക്കുകയാണ് നടി . പൗരത്വ നിയമത്തിനെതിരെ ശക്തമായി തന്നെ പ്രതികരിക്കുകയും പ്രതിഷേധത്തില്‍ നിരത്തിലിറങ്ങി പങ്കെടുക്കുകയും ചെയ്യ്തിരുന്നു പാര്‍വതി തിരുവോത്ത്. പൗരത്വ നിയമത്തെ പിന്തുണച്ച അനുപം ഖേറിനെ പരിഹസിച്ച് പാര്‍വതി രംഗത്തെത്തിയിരുന്നു. ഇത് വലിയ ചര്‍ച്ചയ്ക്ക് വഴി വച്ചിരുന്നു . ഇതിന് പിന്നാലെ സോഷ്യല്‍ മീഡിയകളില്‍ വലിയ തോതിലുള്ള സൈബര്‍ ആക്രമണമായിരുന്നു പാര്‍വതി നേരിട്ടത്. ഇതിന്റെയൊക്കെ പശ്ചാത്തലത്തിൽ മതത്തിന്റെ പേരില്‍ തന്നെ ഉപദേശിക്കാൻ എത്തിയ വ്യക്തിക്ക് കിടിലൻ മറുപടിയാണ് കൊടുത്തത് .

സോഷ്യല്‍ മീഡിയയില്‍ ഈ മറുപടി ശ്രദ്ധേയമാകുന്നുണ്ട് . തന്റെ ഇന്‍സ്റ്റഗ്രാം സ്റ്റോറിയിലാണ് പാര്‍വതി മറുപടി കൊടുത്തത്. 'മതം മാറുന്നില്ലേ പാര്‍വ്വതി? തന്റെ പേരിന്റെ ഉത്ഭവം അറിയാമോ? കുറച്ച് ഫാന്‍സിനെ കിട്ടാന്‍ ഇത്ര ചീപ്പാവല്ലേ കുട്ടീ. ഇയാള്‍ മതം മാറിയാല്‍ ഹിന്ദു മതത്തിന് ഒന്നും സംഭവിക്കില്ല. കമല സുരയ്യയുടെ ഗതി വരാതിരിക്കട്ടെ,'- എന്നായിരുന്നു പാര്‍വ്വതിക്ക് ഒരാള്‍ അയച്ച ഉപദേശം. ഇതിനുള്ള മറുപടിയായിരുന്നു പാർവതി കൊടുത്തത്. #buthinduismsafe (പക്ഷെ ഹിന്ദുമതം സുരക്ഷിതമാണ്) എന്ന ടാഗിനോടൊപ്പം 'എന്തൊരു ഉത്കണ്ഠ' എന്നാണ് മറുപടി നല്‍കിയിരിക്കുന്നത്.