അങ്ങനെ കായിക മന്ത്രാലയവും കൈയൊഴിഞ്ഞു; ധാര്മികതയുടെ പേരില് ശ്രീനിവാസന് രാജിവെക്കണമെന്ന് കായിക മന്ത്രാലയം
ഐ.പി.എല് വാതുവെപ്പുമായി ബന്ധപ്പെട്ട് ധാര്മികത മുന്നിര്ത്തി ബി.സി.സി.ഐ പ്രസിഡന്റ് എന്. ശ്രീനിവാസന് രാജി വയ്ക്കണമെന്ന് കേന്ദ്ര കായിക മന്ത്രാലയം. ഐപിഎല് കമ്മിഷണര് രാജീവ് ശുക്ലയും ബോര്ഡ് അംഗങ്ങളായ അരുണ് ജെയിറ്റ്ലിയും ജ്യോതിരാദിത്യ സിന്ധ്യയും ശ്രീനിവാസന്റെ രാജി ആവശ്യപ്പെട്ട് രംഗത്തെത്തിയിരുന്നു.
ഒത്തുകളിയുമായി ബന്ധപ്പെട്ട് ബി.സി.സി.ഐ അന്വേഷണം നടക്കുകയാണ് അതിനാല് ധാര്മികത മുന്നിര്ത്തി ശ്രീനിവാസന് രാജിവെക്കണമെന്നാണ് കായിക മന്ത്രാലയത്തിന്റെ നിലപാട്. ശ്രീനിവാസന്റെ മരുമകനും ചെന്നൈ സൂപ്പര് കിംഗ്സ് ഉടമയുമായ ഗുരുനാഥ് മെയ്യപ്പനെ ഒത്തുകളി വിവാദത്തില് അറസ്റ്റ് ചെയ്തതിനു പിന്നാലെയാണ് ശ്രീനിവാസന്റെ രാജിക്കായി മുറവിളി ഉയര്ന്നു തുടങ്ങിയത്. എന്നാല് താന് രാജിവെക്കില്ലെന്ന ഉറച്ച നിലപാടിലായിരുന്നു ശ്രീനിവാസന്.
ഇപ്പോള് കായിക മന്ത്രാലയം തന്നെ തനിക്കെതിരെ തിരിഞ്ഞ പശ്ചാത്തലത്തില് ശ്രീനിവാസന് വലിയ സമ്മര്ദ്ദത്തിലായിരിക്കുകയാണ്. വൈകാതെ തന്നെ അദ്ദേഹത്തിന്റെ രാജി ഉണ്ടാകാനാണ് സാധ്യത.
https://www.facebook.com/Malayalivartha
