ലഹരിമരുന്നിന് അടിമയായ യുവതി മൂന്ന് കുഞ്ഞുങ്ങളെ ശ്വാസംമുട്ടിച്ച് കൊലപ്പെടുത്തി
ലഹരിമരുന്നിന് അടിമയായ യുവതി സ്വന്തം കുഞ്ഞുങ്ങളെ ശ്വാസം മുട്ടിച്ച് കൊലപ്പെടുത്തി. സംഭവത്തില് കുഞ്ഞുങ്ങളുടെ അമ്മയെ പോലീസ് അറസ്റ്റ് ചെയ്തു. യുഎസിലെ അരിസോണയിലെ റേച്ചല് ഹെന് റി(22)യാണ് പോലീസിന്റെ പിടിയിലായത്. ചോദ്യംചെയ്യലില് ഇവര് കുറ്റംസമ്മതിച്ചതായി വിവിധ മാധ്യമങ്ങള് റിപ്പോര്ട്ട് ചെയ്തു. മൂന്നുവയസ്സുകാരനായ മൂത്ത കുട്ടിയെയും ഒരു വയസ്സുകാരിയായ രണ്ടാമത്തെ കുട്ടിയെയും ഏഴ് മാസം പ്രായമുള്ള ഇളയ പെണ്കുട്ടിയെയുമാണ് റേച്ചല് ശ്വാസംമുട്ടിച്ച് കൊലപ്പെടുത്തിയത്. മൂന്നുമക്കളെയും കൊലപ്പെടുത്തിയതിന് ശേഷം സ്വീകരണമുറിയിലെ സോഫയില് കിടത്തി. ആരെങ്കിലും കണ്ടാല് മൂവരും ഉറങ്ങുകയാണെന്ന് തോന്നിപ്പിക്കാനായിരുന്നു ഇങ്ങനെ ചെയ്തത്. എന്നാല് രാത്രിയോടെ വീട്ടിലെത്തിയ ഒരു ബന്ധുവിന് കുട്ടികളുടെ കിടപ്പു കണ്ട് സംശയം തോന്നുകയായിരുന്നു. ഉടന്തന്നെ ഇവര് പോലീസില് വിവരമറിയിച്ചു. സംഭവം നടക്കുമ്പോള് വീട്ടില് രണ്ടുപേരുണ്ടായിരുന്നെങ്കിലും ഇവരാരും സംഭവമറിഞ്ഞിരുന്നില്ല. അമിതമായ ലഹരി ഉപയോഗമാണ് റേച്ചലിനെ കൃത്യത്തിലേക്ക് നയിച്ചതെന്നാണ് പോലീസിന്റെ നിഗമനം. ലഹരിമരുന്നിന് അടിമയായിരുന്ന റേച്ചല് കഴിഞ്ഞദിവസങ്ങളില് വിഭ്രാന്തി കാണിച്ചിരുന്നതായി ബന്ധുക്കള് മൊഴി നല്കിയിരുന്നു.
https://www.facebook.com/Malayalivartha
