അവിഹിത ബന്ധം സംശയിച്ച്‌ ഭാര്യയെ ഗ്യാസ് സിലിണ്ടര്‍ കൊണ്ട് തലയ്ക്കടിച്ച് കൊലപ്പെടുത്തി ഭര്‍ത്താവ്. കിഴക്കന്‍ മുംബൈയിലെ ഖട്കോപറിലുള്ള ഭട്ട് വാടിയിലാണ് സംഭവം. മണിക്കൂറുകളോളം ഫോണില്‍ സംസാരിച്ച ഭാര്യയ്ക്ക് അവിഹിത ബന്ധം ഉണ്ടെന്ന് തെറ്റിദ്ധരിച്ചായിരുന്നു ക്രൂരത അരങ്ങേറിയത്. സംഭവത്തില്‍ ഭര്‍ത്താവായ പ്രദീപ് കദമിനെ പൊലീസ് അറസ്റ്റ് ചെയ്തു. കിഴക്കന്‍ മുംബൈയിലെ ഖട്കോപറിലുള്ള ഭട്ട് വാടിയിലാണ് സംഭവം. ഭാര്യ അജ്ഞന കദമാണ് കൊല്ലപ്പെട്ടത്.

വ്യാഴാഴ്ച രാവിലെ എട്ടു മണിയോടെയാണ് സംഭവം നടന്നത്. ഇവരുടെ രണ്ട് മക്കളും ആ സമയം വീട്ടിലുണ്ടായിരുന്നു. ഗുരുതരമായി പരിക്കേറ്റ അജ്ഞനയെ കുട്ടികള്‍ ആശുപത്രിയിലെത്തിച്ചെങ്കിലും ജീവന്‍ രക്ഷിക്കാനായില്ല. ഭാര്യയെ കൊലപ്പെടുത്തിയ ശേഷം ഇയാള്‍ ഖട്കോപര്‍ പൊലീസ് സ്റ്റേഷനിലെത്തി കീഴടങ്ങുകയായിരുന്നു. കോടതിയില്‍ ഹാജരാക്കിയ പ്രതിയെ കസ്റ്റഡിയില്‍ വിട്ടു.