ഗുജറാത്തില് മോദിയും അമിത് ഷായും ഒന്നിച്ചിരുന്നു; ഡല്ഹിയിലും ഒന്നിച്ചു; ഡല്ഹിയില് കണ്ടത് ഗുജറാത്ത് കലാപത്തിന്റെ മറ്റൊരു പതിപ്പ്; ആരോപണമുയർത്തി പി കെ കുഞ്ഞാലിക്കുട്ടി
ഡല്ഹിയില് കണ്ടത് ഗുജറാത്ത് കലാപത്തിന്റെ മറ്റൊരു പതിപ്പെന്ന് പി.കെ കുഞ്ഞാലിക്കുട്ടി പറഞ്ഞു. ഗുജറാത്തില് മോദിയും അമിത് ഷായും ഒന്നിച്ചിരുന്നു. അത് പോലെ ഡല്ഹിയിലും ഒന്നിക്കുന്ന കാഴ്ച്ചയാണ്. നിയമ വാഴ്ചയും ആഭ്യന്തര വകുപ്പും പൂര്ണമായും പരാജയപ്പെട്ട് പോയതിന്റെ നേര്കാഴ്ചയാണ് കാണുന്നതെന്നും അദ്ദേഹം പറഞ്ഞു. ട്രംപ് രാജ്യത്ത് എത്തിയ സമയത്ത് തന്നെ നടന്ന കലാപത്തിലൂടെ ലോകത്തിന് മുന്നില് നമ്മള് നാണം കെട്ടൂവെന്നും കുഞ്ഞാലിക്കുട്ടി പറയുകയുണ്ടായി.
കോഴിക്കോട് മുസ്ലീം ലീഗ് പ്രവര്ത്തക സമിതി യോഗത്തിന് എത്തിയ കുഞ്ഞാലിക്കുട്ടി മാധ്യമങ്ങളോട് പ്രതികരിക്കുന്നതിനിടെയായിരുന്നു ഈ കാര്യം പറഞ്ഞത് . വിഷയത്തിന്റെ യഥാര്ഥ വസ്തുത അറിയാനും ആഭ്യന്തര മന്ത്രിയെ അടക്കം കാണാനും മുസ്ലീം ലീഗ് പ്രതിനിധി സംഘം നാളെ രാവിലയോടെ ഡല്ഹിയിലെത്തുകയും ചെയ്യും. പി.കെ കുഞ്ഞാലിക്കുട്ടിയുടെ നേതൃത്വത്തിലുള്ള സംഘമാണ് ഡെല്ഹിയിലേക്ക് തിരിച്ചത്.പോലീസിന്റെ മൗനാനുവാദത്തോടെയാണ് കലാപം നടന്നിരിക്കുന്നത്. ഇത് ആഹ്വാന പ്രകാരം നടന്നതാണെന്നും . പോലീസ് നോക്കി നില്ക്കെ കലാപകാരികള് വേണ്ടതൊക്കെ ചെയ്തുവെന്നും അദ്ദേഹം പറഞ്ഞു . ബി.ജെ.പി ആഹ്വാനം ചെയ്ത കലാപത്തില് കോണ്ഗ്രസ് എന്ത് ചെയ്യാനാണ് എന്ന് ചോദിച്ച അദ്ദേഹം കോണ്ഗ്രസ് പ്രതികരിക്കുന്നില്ല എന്നൊക്കെ പറഞ്ഞ് പരത്തുന്നത് ഗൂഢാലോചനയുണ്ട്. ഇത് തിരിച്ചറിയണമെന്നും അദ്ദേഹം വ്യക്തമാക്കി.
https://www.facebook.com/Malayalivartha