ഡൽഹിയിലും പരിസര പ്രദേശങ്ങളിലും വ്യാപക മഴയും ശക്തമായ കാറ്റും. പലയിടങ്ങളിലും ഉയർന്ന താപനിലയിൽ 3 മുതൽ 5 ഡിഗ്രി സെൽഷ്യസ് വരെ കുറവ് രേഖപ്പെടുത്തി. കേന്ദ്ര കാലാവസ്ഥാ വകുപ്പിന്റെ മുൻകൂട്ടിയുള്ള മുന്നറിയിപ്പുകൾ ശരിവെച്ചുകൊണ്ടാണ് കഴിഞ്ഞ രാത്രിയും ഇന്ന് രാവിലെയുമായി ഡൽഹിയിലും സമീപ സംസ്ഥാനങ്ങളിലും ശക്തമായ കാറ്റും മഴയും അനുഭവപ്പെട്ടത്.

മണിക്കൂറിൽ 60 മുതൽ 70 കിലോമീറ്റർ വരെ വേഗതയിലാണ് പലയിടങ്ങളിലും കാറ്റ് വീശിയടിച്ചത്. ചില ഒറ്റപ്പെട്ട സ്ഥലങ്ങളിൽ ആലിപ്പഴ വർഷവും റിപ്പോർട്ട് ചെയ്തിട്ടുണ്ട്.

കഴിഞ്ഞ ദിവസങ്ങളിൽ 45 ഡിഗ്രിക്ക് മുകളിൽ രേഖപ്പെടുത്തിയ ഡൽഹിയിലെ പരമാവധി താപനില ഇതോടെ 39-41 ഡിഗ്രി സെൽഷ്യസിലേക്ക് താഴേക്കായി. സുഫ്ദർജംഗ് ബേസ് സ്റ്റേഷനിൽ താപനിലയിൽ ഗണ്യമായ കുറവാണ് രേഖപ്പെടുത്തിയത്.

അടുത്ത രണ്ട് ദിവസങ്ങളിൽ കൂടി ഡൽഹിയിലും പരിസരത്തും ആകാശം പൊതുവെ മേഘാവൃതമായിരിക്കുമെന്നും ഇടിമിന്നലോട് കൂടിയ നേരിയതോ മിതമായതോ ആയ മഴ തുടരുമെന്നും കാലാവസ്ഥാ വകുപ്പ് .