രാജസ്ഥാനിലെ ബുണ്ടി ജില്ലയില്‍ ബസ് നദിയിലേക്കു മറിഞ്ഞ് 25 പേര്‍ മരിച്ചു, നിരവധി പേര്‍ക്കു പരുക്കുണ്ട്. ബുണ്ടി ജില്ലയിലെ ലഖേരി പട്ടണത്തില്‍ രാവിലെ 10 നാണ് സംഭവമുണ്ടായത്. കോട്ടയില്‍ നിന്ന് സവൈമധോപുരിലേക്ക് വിവാഹത്തില്‍ പങ്കെടുക്കാന്‍ പോയവര്‍ സഞ്ചരിച്ചിരുന്ന ബസാണ് അപകടത്തില്‍പ്പെട്ടത്.

പരുക്കേറ്റവരെ ആശുപത്രിയിലേക്കു മാറ്റി. വാഹനത്തിന്റെ നിയന്ത്രണം നഷ്ടപ്പെട്ട് നദിയിലേക്ക് മറിഞ്ഞതാണെന്നാണ് പ്രാഥമിക നിഗമനം. കൂടുതല്‍ വിവരങ്ങള്‍ ലഭ്യമായിട്ടില്ല.