2,000 രൂപ നോട്ടുകൾ ചില്ലറയാക്കാൻ ഉള്ള നെട്ടോട്ടമായിരുന്നു അടുത്ത കാലത്തെങ്കിൽ 2,000 രൂപ നോട്ട് ലഭ്യമല്ലാത്തതാണ് ഇപ്പോഴത്തെ പ്രശ്നം. മിക്ക ബാങ്ക് എടിഎമ്മുകളിലും 2,000 രൂപ നോട്ടുകൾ ലഭ്യമല്ല. പുതിയ 2,000 രൂപ നോട്ടുകളുടെ അച്ചടി ആ‍ര്‍ബിഐ നി‍ര്‍ത്തി വെച്ചിരിക്കുകയായിരുന്നു.ഇത് പുനഃസ്ഥാപിക്കാത്തതാണ് നോട്ട് നിരോധിച്ചേക്കുമോ എന്ന ആശങ്ക ജനങ്ങളിൽ വളർത്തിയത്

മാര്‍ച്ച് ഒന്നുമുതല്‍ ഇന്ത്യന്‍ ബാങ്കിന്റെ എടിഎമ്മുകളില്‍ 2000 രൂപ നോട്ടുകള്‍ ഉണ്ടാകില്ലെന്ന് റിപ്പോര്‍ട്ട് ഉണ്ട് . പകരം 200 രൂപയുടെ നോട്ടുകള്‍ അധികമായി എടിഎമ്മുകളില്‍ നിറയ്ക്കുമെന്ന് ഇന്ത്യന്‍ ബാങ്ക് അറിയിച്ചു.. പൊതുമേഖലാ ബാങ്കുകൾ ലയിക്കുന്നതോടെ രാജ്യത്തെ ഏടിഎമ്മുകളുടെ എണ്ണത്തിൽ വളരെ കുറവുണ്ടായേക്കും

എടിഎമ്മുകളില്‍ നിന്ന് 2,000 രൂപ നോട്ടുകള്‍ പിന്‍വലിച്ച ശേഷം ഉപഭോക്താക്കള്‍ ചെറിയ തുകയുടെ കറന്‍സി നോട്ടുകളായി മാറ്റിക്കിട്ടാന്‍ ബാങ്ക് ശാഖകളിലേക്ക് വരുന്നു. ഇത് ഒഴിവാക്കാനാണ് എടിഎമ്മുകളില്‍ 2,000 രൂപ നോട്ടുകള്‍ ലോഡ് ചെയ്യുന്നത് നിര്‍ത്താന്‍ ഞങ്ങള്‍ തീരുമാനിച്ചത്’

മാര്‍ച്ച് ഒന്നിന് ശേഷം എടിഎമ്മുകളില്‍ അവശേഷിക്കുന്ന 2,000 കറന്‍സി നോട്ടുകള്‍ പുറത്തെടുക്കാനാണ് ഇന്ത്യന്‍ ബാങ്ക് തീരുമാനം. കറന്‍സി കാസറ്റുകളില്‍ 2,000 രൂപയ്ക്ക് പകരം 200 രൂപ നോട്ടുകള്‍ ലോഡ് ചെയ്യും.അഞ്ഞൂറ്,ഇരുന്നൂറ്, നൂറ് രൂപയുടെ കറന്‍സികള്‍ മാത്രമായിരിക്കും ഇന്ത്യന്‍ ബാങ്ക് എടിഎമ്മില്‍ നിന്ന് ലഭിക്കുക.

2000 രൂപയുടെ കറന്‍സികള്‍ ആവശ്യമുള്ളവര്‍ക്ക് അത് ബാങ്കുകളുടെ ബ്രാഞ്ചുകളില്‍ ചെന്നാല്‍ നേരിട്ട് ലഭിക്കും. എടിഎമ്മുകളില്‍ നിന്ന് ഉയര്‍ന്ന മൂല്യമുള്ള കറന്‍സികള്‍ പിന്‍വലിക്കാന്‍ സാധിക്കാതെ വരുമ്പോള്‍ ഉപഭോക്താക്കള്‍ ബ്രാഞ്ചിനെ സമീപിക്കുന്നുണ്ടെന്നും ഇന്ത്യന്‍ ബാങ്ക് പറഞ്ഞു.

ആർബിഐ പുതിയ 2,000 രൂപ നോട്ടുകളുടെ അച്ചടി ഇപ്പോൾ നിർത്തി വെച്ചിരിക്കുകയാണ്. നടപ്പു സാമ്പത്തിക വര്‍ഷം ഒരു 2,000 രൂപ നോട്ടു പോലും റിസ‍‍‍ര്‍വ് ബാങ്ക് പുറത്തിറക്കിയിട്ടില്ല. ഈ കാരണങ്ങളാൽ പുതിയ 2,000 രൂപ നോട്ടുകളുടെ ലഭ്യത കുറഞ്ഞേക്കും. 2000 രൂപയുടെ നോട്ടുകൾക്ക് പകരം 1000 രൂപയുടെ പുതിയ നോട്ടുകൾ പുറത്തിറക്കും എന്ന് സൂചനകളുണ്ടായിരുന്നെങ്കിലും ഇതുവരെ അച്ചടി തുടങ്ങിയിട്ടില്ല

നോട്ട് നിരോധനം ഉണ്ടാകുമോ എന്ന പേടികാരണം 2000 രൂപ നോട്ട് മാറ്റി തരാന്‍ ആവശ്യപ്പെട്ട് നിരവധി പേരാണ് ബാങ്കിന്റെ ശാഖകളില്‍ എത്തുന്നത്. പകരം തുല്യമായ തുകയ്ക്ക് കുറഞ്ഞ മൂല്യമുളള നോട്ടുകള്‍ കൈമാറാന്‍ ആവശ്യപ്പെട്ടാണ് ഇടപാടുകാര്‍ എത്തുന്നത്

എന്നാൽ എടിഎമ്മിൽനിന്നും എടുത്ത രണ്ടായിരം രൂപയുടെ നോട്ടുകൾ മാറ്റി നൽകണം എന്ന് ആവശ്യപ്പെട്ട് ആളുകൾ ബാങ്കിനെ സമീപിക്കുന്നത് പതിവായതോടെയാണ് 2000 രൂപയുടെ നോട്ട് എടിഎമ്മുകളില്‍ നിറയ്ക്കുന്നത് ഒഴിവാക്കാന്‍ തീരുമാനിച്ചതെന്നാണ് ഇന്ത്യന്‍ ബാങ്കിന്റെ വിശദീകരണം. 2000ത്തിന്റെ വ്യജ നോട്ടുകൾ വർധിയ്ക്കുന്നു എന്നതും രണ്ടായിരം നോട്ട് അച്ചടി നിർത്തിവെക്കാൻ കാരണമായി എന്നും പറയുന്നു .. 2000 രൂപ നോട്ടുകള്‍ക്ക് പകരം 200 രൂപ നോട്ടുകള്‍ അധികമായി എടിഎമ്മുകളില്‍ നിറയ്ക്കും

2000 രൂപയുടെ നോട്ടുകൾ അച്ചടിക്കുന്നത് നിർത്തിയതായി വിവരാവകാശ നിയമപ്രകാരമുള്ള മറുപടിയിൽ റിസർവ് ബാങ്ക് വ്യക്തമാക്കിയിരുന്നു.. നടപ്പുസാമ്പത്തിക വർഷം ഒറ്റ 2000 രൂപ നോട്ടു പോലും അച്ചടിച്ചിട്ടില്ല എന്നാണ് റിസർവ് ബാങ്കിന്റെ മറുപടിയിൽ പറയുന്നത്.. ഇതിന്റെ തുടർച്ചയായി 2000 രൂപയുടെ നോട്ടുകൾ പ്രചാരണത്തിൽ നിന്ന് പിൻവലിച്ചേക്കുമോ എന്ന ഭയം പൊതു ജനങ്ങളിൽ ഉണ്ടെങ്കിലുംനോട്ട് നിരോധനത്തെകുറിച്ച് ആർ ബി പറഞ്ഞിട്ടില്ല ..മാത്രമല്ല 2000 രൂപക്ക് പകരം തുല്യമായ സംഖ്യക്കുള്ള ചെറിയ നോട്ടുകൾ എ ടി എമ്മിൽ ലഭ്യമാകുമെന്നും അറിയിച്ചു