ലഷ്‌ക്കറെ ത്വയിബ ഭീകരന്‍ സഹൂര്‍ വാനിയെ അറസ്റ്റു ചെയ്തു. ജമ്മു-കാഷ്മീരിലെ ബദ്ഗാമിലുള്ള ഒളിത്താവളത്തില്‍ നിന്നാണ് സഹൂര്‍ വാനിയെ പിടികൂടിയത്. സൈന്യവും-പോലീസും സംയുക്തമായി നടത്തിയ തിരച്ചിലിലാണ് സഹൂര്‍ പിടിയിലായത്. ഇയാള്‍ക്കൊപ്പമുണ്ടായിരുന്ന ഖാന്‍സെയ്ബ് സ്വദേശികളായ നാലു പേരെയും പിടികൂടി. ഒളിത്താവളത്തില്‍ നിന്നും ആയുധങ്ങളും മറ്റും കണ്ടെടുത്തു.
പ്രദേശത്ത് ശക്തമായ തിരച്ചിലാണ് സൈന്യം നടത്തുന്നത്. ഈ മാസം ആദ്യം ഹിസ്ബുള്‍ മുജാഹിദ്ദീന്‍ ഭീകര സംഘടനയിലെ കമാന്‍ഡര്‍ റിയാസ് നായ്കൂവിനെ കാഷ്മീരിലെ പുല്‍വാമ ജില്ലയില്‍ നിന്നും സൈന്യം വധിച്ചിരുന്നു.