അടുത്ത ആറ് മാസത്തിനുള്ളിൽ 5 ലക്ഷം എയ്ഡ്സ് രോഗികൾ കോറോണ മൂലം മരണമടഞ്ഞേക്കാം എന്ന് WHO.. 2008 ൽ എയ്ഡ്സ് ബാധിച്ചു മരിച്ചവരുടെ എണ്ണത്തേക്കാൾ കൂടുതലാണിത് .ചൈനയിലെ വുഹാനിൽ പൊട്ടിപ്പുറപ്പെട്ട വൈറസ് ലോകമെങ്ങും താണ്ഡവമാടുന്നത് തുടരുന്നതിനിടയിലാണ് WHO ഈ ഞെട്ടിക്കുന്ന അനുമാനം പറയുന്നത്

ലോകാരോഗ്യ സംഘടന നടത്തിയ പഠന റിപ്പോർട്ട് അനുസരിച്ച് അടുത്ത 6 മാസത്തിനുള്ളിൽ ആഫ്രിക്കയിലെ സഹാറൻ പ്രദേശത്ത് 5 ലക്ഷത്തോളം എയ്ഡ്സ് രോഗികൾ മരിക്കുമെന്നാണ് വെളിപ്പെടുത്തിയിരിക്കുന്നത്

2018 ൽ സബ്-സഹാറൻ ആഫ്രിക്കയിൽ 25.7 ദശലക്ഷം ആളുകൾക്ക് എച്ച്ഐവി ബാധിതരാണെന്നും 64 ശതമാനം പേർ ആൻറിട്രോട്രോവൈറൽ (എആർവി) തെറാപ്പി എടുക്കുന്നുണ്ടെന്നും റിപ്പോർട്ടുകൾ ഉണ്ടായിരുന്നു. പക്ഷേ കൊറോണ വൈറസ് കാരണം നിരവധി എച്ച്ഐവി ക്ലിനിക്കുകൾ അടച്ചിട്ടിരിക്കുകയായതിനാൽ എയ്ഡ്സ് രോഗികൾക്ക് അവരുടെ മരുന്ന് കിട്ടുന്നതിന് ബുദ്ധിമുട്ട് അനുഭവപ്പെടുന്നുണ്ട് . പലർക്കും ആവശ്യമുള്ള ഡോസ് മരുന്ന് കിട്ടാത്ത അവസ്ഥയാണ്

എയ്ഡ്സ് രോഗികൾക്ക് എആർ‌പി തെറാപ്പി ലഭ്യമായില്ലെങ്കിൽ അവരുടെ ശരീരത്തിൽ എച്ച്ഐവി വൈറസിന്റെ അളവ് വർദ്ധിക്കാൻ തുടങ്ങുമെന്നാണ് പഠനങ്ങൾ വ്യക്തമാക്കുന്നത്. ഈ രോഗിയുമായി മറ്റുള്ളവർ സമ്പർക്കപ്പെട്ടാൽ എയ്ഡ്സ് രോഗികളുടെ എണ്ണം വർധിക്കുകയും ചെയ്യും എന്നതും പ്രശ്നം രൂക്ഷമാക്കുന്നു

2010 മുതൽ ആഫ്രിക്കയിലെ കുട്ടികളിൽ എച്ച്ഐവി അണുബാധയുടെ തോത് 43 ശതമാനം കുറയുന്നുണ്ട്. ആന്റി റിട്രോവൈറൽ (എആർവി) തെറാപ്പിയാണ് ഇതിന് കാരണമായി പറയുന്നത്. ഇവർക്ക് ശരിയായ സമയത്ത് മരുന്നും തെറാപ്പിയും ലഭിച്ചില്ലെങ്കിൽ മൊസാംബിക്കിൽ വരുന്ന ആറ് മാസത്തിനുള്ളിൽ രോഗികളുടെ എണ്ണം 37 ശതമാനമായി വർദ്ധിക്കുമെന്നാണ് റിപ്പോർട്ട്. മലാവിയിലും സിംബാബ്‌വെയിലും 78 ശതമാനം വീതവും ഉഗാണ്ടയിൽ 104 ശതമാനം കുട്ടികളും എച്ച്ഐവി ബാധിതരായേക്കാം എന്നാണ് സൂചന.

അതുകൊണ്ടുതന്നെ എച്ച്ഐവി പ്രതിരോധവും ചികിത്സയും ഉറപ്പാക്കണമെന്ന് ലോകാരോഗ്യ സംഘടനയും (WHO)യുണയിഡ്സും (UNAIDS)രാജ്യങ്ങളോട് അഭ്യർത്ഥിച്ചിട്ടുണ്ട്. എച്ച്ഐവിയിൽ നിന്ന് ശ്രദ്ധ തിരിക്കുന്നത് മരണനിരക്ക് ഉയരാൻ കാരണമായേക്കും ..കോവിഡ് -19 കാരണം എച്ച്ഐവി മരണനിരക്കും വ്യാപനവും കൂടുന്ന അവസ്ഥ ഉണ്ടാകരുതെന്ന് യുനെയ്ഡ്സ് എക്സിക്യൂട്ടീവ് ഡയറക്ടർ വിന്നി ബയാനിമയും പറഞ്ഞു.