കോവിഡ് കത്തിപ്പടരുമ്പോള്‍ പല കോണുകളില്‍ നിന്നും നിരീക്ഷണങ്ങള്‍ വരികയാണ്. രാഷ്ട്രീയ വിയോജിപ്പുകള്‍ക്കുമപ്പുറം ശശി തരൂര്‍ എം.പി പറഞ്ഞതില്‍ പല കാര്യങ്ങളും ഉണ്ടെന്ന് ചര്‍ച്ചയെങ്കിലും ചെയ്യേണ്ട സമയമാണ്. കേരളത്തിലെ ഒരു പ്രമുഖ മാധ്യമത്തിലൂടെ അദ്ദേഹം പങ്കുവച്ച നിലപാടുകള്‍ പ്രതിരോധ ചിന്തകള്‍ കോവിഡാനന്തര ചിന്തകള്‍ ചിന്തിപ്പിക്കുന്നതാണ്. ട്രംപ് ഭരണകൂടത്തിന്റെ അമേരിക്ക ആദ്യം എന്ന ചേതോവികാരം ജര്‍മനിയില്‍നിന്ന് അമേരിക്കക്കാര്‍ക്കുമാത്രമായി വാക്സിന്‍ നേടാനുള്ള, ചൈനയില്‍നിന്നുള്ള ഫാര്‍മസ്യൂട്ടിക്കല്‍ ഉത്പന്നങ്ങളുടെ ഇറക്കുമതി റദ്ദാക്കാനുള്ള, ഡബ്ല്യു.എച്ച്.ഒ.യ്ക്കുള്ള സഹായധനം നിര്‍ത്താനുള്ള, ജി 7-ലും യു.എന്‍. രക്ഷാസമിതിയിലും നടത്തിയ വിഭാഗീയതനിറഞ്ഞ വൈറസ് പരാമര്‍ശത്തിലൂടെ വൈറസിനെതിരായ പ്രതികരണത്തിലെ ആഗോള ഐക്യം തടസ്സപ്പെടുത്താനുള്ള ശ്രമങ്ങളില്‍ പ്രകടമായി.

അത് ഒരു വശത്ത് ചൈനയെ കൊണ്ട് നടക്കാന്‍ വയ്യാത്ത അവസ്ഥ. ചൈനയാകട്ടെ, വൈറസിനെ സൈ്വരവിഹാരത്തിനുവിട്ട് തടിതപ്പി. തുടക്കത്തില്‍ അതിനെ ഒട്ടും സുതാര്യമല്ലാത്തരീതിയില്‍ കൈകാര്യം ചെയ്യുകയും അതിനോടു പ്രതികരിക്കേണ്ടിയിരുന്ന ആരോഗ്യസംവിധാനങ്ങളില്‍ അന്യായമായി കൈകടത്തുകയും ചെയ്തു. കേനത്തതുകയ്ക്കാണ് ഇവയെല്ലാം നല്‍കുന്നത്. ഗ്ലോബല്‍ ഗവേണന്‍സ് കാര്യക്ഷമമായിരുന്നെങ്കില്‍, കൊറോണ വൈറസിനെ തുടക്കത്തില്‍ത്തന്നെ കണ്ടെത്താമായിരുന്നു; അതിന്റെ ഭീഷണതയെക്കുറിച്ച് ആഗോളമുന്നറിയിപ്പു നല്‍കാമായിരുന്നു; അതിന്റെ വ്യാപനം തടയുന്നതിനോ നിയന്ത്രിക്കുന്നതിനോ രാജ്യങ്ങള്‍ സ്വീകരിച്ച നല്ല മാതൃകകള്‍ മനസ്സിലാക്കി പരസ്യപ്പെടുത്താമായിരുന്നു. അതു സംഭവിച്ചില്ല എന്നത് നമ്മുടെ 'നവലോക ക്രമഭംഗത്തിന്റെ' ദാരുണമായ വിളംബരമാണ്.

കൊറോണ വൈറസ് പകര്‍ച്ചവ്യാധിയുടെ അതിവേഗമുള്ള ആഗോള വ്യാപനം ആഗോള അവ്യവസ്ഥയുടെ പ്രത്യാഘാതങ്ങളെക്കുറിച്ചുള്ള അസ്വസ്ഥജനകമായ ഓര്‍മപ്പെടുത്തലാണ്. പരമാധികാരത്തിന്റെ ഊട്ടിയുറപ്പിക്കല്‍ ആഗോള ഉത്തരവാദിത്വം കൈയൊഴിയുന്നതിന്റെ സൂചനയാവരുതെന്ന് പരമാധികാര രാഷ്ട്രങ്ങള്‍ക്കുള്ള സമയോചിതമായ മുന്നറിയിപ്പുമാണത്. ഡബ്ല്യു.എച്ച്.ഒ.യുടെ കൃത്യനിര്‍വഹണത്തെ വിമര്‍ശിക്കുന്നതുകൊണ്ട്, അമേരിക്ക ചെയ്തതുപോലെ, ധനസഹായം വെട്ടിക്കുറയ്ക്കുകയെന്നതും ഏറ്റവും ആവശ്യമായ സമയത്ത് സംഘടനയെ അട്ടിമറിക്കുകയെന്നതുമല്ല അര്‍ഥമാക്കുന്നത്; പക്ഷേ, അമേരിക്ക ചെയ്തത് അതുകൂടിയാണ്. ഈ മഹാമാരി കടന്നുപോയിക്കഴിയുമ്പോള്‍, എന്താണ് സംഭവിച്ചതെന്നും അതിന്റെ ആവര്‍ത്തനം മുന്‍കൂട്ടിക്കണ്ട് തടയാന്‍തക്കവിധം അന്താരാഷ്ട്രസംവിധാനങ്ങളും സ്ഥാപനങ്ങളും എങ്ങനെ ശക്തിപ്പെടുത്താനും അടിമുടി പരിഷ്‌കരിക്കാനും കഴിയുമെന്നുമുള്ള പാഠങ്ങള്‍ ലോകം പഠിക്കണം. മേയ് ഒന്‍പതിന് യുദ്ധവിജയം ആഘോഷിച്ച ഇന്ത്യയും ഈ വിജയം നീണ്ടുനില്‍ക്കാനായി പ്രവര്‍ത്തിക്കണം. അല്ലെങ്കില്‍ 75 ആണ്ടുകൊണ്ടുണ്ടാക്കിയ നേട്ടങ്ങളെല്ലാം കോവിഡ് യുദ്ധം കഴിയുമ്പോള്‍ അപ്രസക്തമാകും.