വാലിന് തീപിടിച്ച് ഭീകരന്മാര്; പുല്വാമ സെക്ടറില് പല മോഡല് ഭീകരാക്രമണവുമായി ഇറങ്ങുന്ന തീവ്രവാദികളെ വേരോടെ പിഴുത് കളയുകയാണ് ഇന്ത്യന് സേന
പുല്വാമയില് നിങ്ങള് ചെവിയില് നുളളിക്കോ എന്ന് ഇന്ത്യന് സൈന്യം പറഞ്ഞതാണ് ഭീകരന്മാരോട്. അന്ന് തൊട്ടിന്നുവരെ ഭീകരന്മാരുടെ തലയെടുത്ത് ഇന്ത്യ മുന്നേറുകയാണ്. സൈനികരുടെ മരണത്തില് തിരിച്ചടിച്ച് ഇന്ത്യന് സൈന്യം തുടങ്ങിയതോടെ ഭീകരന്മാര് നെട്ടോട്ടമാണ്. എന്തിനധികം ഹിസ്ബുള് തലവന് റിയാസ് നായ്കുവിനെ വരെ ഇന്ത്യ കിടുക്കി.
പുല്വാമ സെക്ടറില് പല മോഡല് ഭീകരാക്രമണവുമായി ഇറങ്ങുന്ന തീവ്രവാദികളെ വേരോടെ പിഴുത് കളയുകയാണ് ഇന്ത്യന് സേന. അവന്തിപുരയിലെ വിവിധ മേഖലകളിലായി നിരവധി ഏറ്റുമുട്ടലുകളാണ് സൈന്യം നടത്തിയത്. ഏറ്റുമുട്ടല് തുടരുന്ന സാഹചര്യത്തില് മുന്കരുതല് നടപടിയായാണ് കശ്മീര് താഴ്വരയിലെ പത്ത് ജില്ലകളില് മൊബൈല് ഇന്റര്നെറ്റ് സേവനം വരെ റദ്ദാക്കി കൃത്യമായ മുന്നൊരുക്കത്തോടെയാണ് സൈന്യം ഇറങ്ങിയത്. മാത്രവുമല്ല കശ്മീരില് തുടരുന്ന പ്രകോപനത്തില് പാക്കിസ്ഥാനെതിരെ പ്രധാനമന്ത്രി രംഗത്തെത്തിയിരുന്നു.
കൊവിഡിനോട് രാജ്യം പോരാടുന്പോള് തീവ്രവാദത്തിന്റെ വൈറസുകളെ പാക്കിസ്ഥാന് പടര്ത്തുകയാണെന്നാണ് പ്രധാനമന്ത്രി അപലപിച്ചത്. ഇപ്പോഴിതാ വീണ്ടും അതിര്ത്തിയില് ഈ മണിക്കൂറില് വീണ്ടും സൈന്യം പോരാട്ടത്തിലാണ്. ജമ്മു കശ്മീരില് വീണ്ടും ഏറ്റുമുട്ടല് കടുക്കുകയാണ്. അനന്തനാഗ് ജില്ലയിലെ പോഷ്ക്രീരി മേഖലയിലാണ് ഏറ്റുമുട്ടല് തുടരുന്നത്. മൂന്നോളം ഭീകരരെ സുരക്ഷാ സേന വളഞ്ഞതായാണ് വിവരം. ഇന്ന് പുലര്ച്ചെയോടെയാണ് ഏറ്റുമുട്ടല് ആരംഭിച്ചത്. പ്രദേശത്ത് ഭീകരരുടെ സാന്നിധ്യം ഉള്ളതായി പോലീസിന് വിവരം ലഭിച്ചിരുന്നു. ഇതിന്റെ അടിസ്ഥാനത്തില് പോലീസും സുരക്ഷാ സേനയും പ്രദേശത്ത് തെരച്ചില് നടത്തുകയായിരുന്നു. ഇതിനിടെയാണ് ഭീകരര് വെടിവെപ്പ് ആരംഭിച്ചത്. തുടര്ച്ചയായി രണ്ടാം ദിവസമാണ് ജമ്മു കശ്മീരില് ഏറ്റുമുട്ടല് ഉണ്ടാകുന്നത്. കഴിഞ്ഞ ദിവസം രാവിലെ കുല്ഗാമിലും ഏറ്റുമുട്ടല് ഉണ്ടായിരുന്നു. ഏറ്റുമുട്ടലില് രണ്ട് ഭീകരരെയാണ് സുരക്ഷാ സേന വധിച്ചത്. അടുത്തിടെയായി ജമ്മു കശ്മീരില് ഭീകരരുടെ സാന്നിധ്യം വര്ധിച്ചിട്ടുണ്ട്. ഇതിന്റെ അടിസ്ഥാനത്തില് വ്യാപക പരിശോധനയാണ് ജമ്മു കശ്മീരില് സുരക്ഷാ സേന നടത്തുന്നത്.
https://www.facebook.com/Malayalivartha