പാക്കിസ്ഥാനുമായി സമാധാനപരമായ ചര്‍ച്ചയാണ് താല്‍ ആഗ്രഹിക്കുന്നതെന്ന് പ്രധാനമന്ത്രി നരേന്ദ്ര മോഡി പറഞ്ഞു. അക്രമരഹിത പരിസ്ഥിതിയില്‍ മാത്രമേ പാക്കിസ്ഥാനുമായി ഇന്ത്യ ചര്‍ച്ച നടത്തൂകയുള്ളൂവെന്ന് മോഡി വ്യക്തമാക്കി. എല്ലാ വിഷയത്തിലും ചര്‍ച്ച നടത്താന്‍ തയാറാണ്. എന്നാല്‍ അതിന് വേണ്ടത് സമാധാനമാണ്. സമാധാനം ഉണ്ടാകണമെങ്കില്‍ സാഹചര്യങ്ങള്‍ അനുകൂലമാകണം.

ഒരു ദേശീയ മാധ്യമത്തിനു നല്‍കിയ അഭിമുഖത്തിലാണ് മോഡി ഇക്കാര്യം വ്യക്തമാക്കിയത്. ഷിംല കരാരും ലഹോര്‍ പ്രഖ്യാപനവും മുന്‍നിര്‍ത്തി വേണം ചര്‍ച്ച മുന്നോട്ടു കൊണ്ടുപോകേണ്ടതെന്നും മോഡി കൂട്ടിച്ചേര്‍ത്തു. അധികാരമേറ്റെടുത്തതിനു ശേഷം ഇതു രണ്ടാം തവണയാണ് മോദി ഒരു മാധ്യമത്തിനു അഭിമുഖം നല്‍കുന്നത്. യെമനില്‍ കുടുങ്ങിക്കിടന്ന 11 ഇന്ത്യക്കാരെ പാക്കിസ്ഥാനികള്‍ക്കൊപ്പം രക്ഷപെടുത്തി ഇന്ത്യയിലേക്ക് അയച്ച പാക്ക് പ്രധാനമന്ത്രി നവാസ് ഷെരീഫിന്റെ നടപടിയെ അഭിനന്ദിച്ച് സന്ദേശം അയച്ച ദിവസം തന്നെയാണ് മോദി നിലപാട് വ്യക്തമാക്കിയത്.

അതെസമയം, ഇന്ത്യയുടെ പുരോഗതിയ്ക്കും വ്യവസായരംഗത്തും ഊര്‍ജ ഉല്‍പ്പാദന മേഖലയിലും ഉയര്‍ച്ച ലക്ഷ്യമിട്ട് നിക്ഷേപങ്ങള്‍ക്കായി മോഡി ഇന്ന് യൂറോപ്പിലേക്ക് യാത്ര തിരിക്കും. ആണവ റിയാക്ടറുകള്‍ ആരംഭിക്കുന്നതിന് ഈ സന്ദര്‍ശന വേളയിലൂടെ തീരുമാനം ആകുമെന്നാണ് സൂചന. ആണവ ഇന്ധന കൈമാറ്റത്തിനുമുള്ള നിര്‍ണായക കരാറില്‍ ഇന്ത്യയും ഫ്രാന്‍സും തമ്മില്‍ ധാരണയാകുമെന്നും റിപ്പോര്‍ട്ടുണ്ട്.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha