ബലാത്സംഗശ്രമം ചെറുത്ത പതിനാലുകാരിയെ തീകൊളുത്തി കൊന്നു. ചത്തീസ്ഗഢിലെ മുംഗേലി ജില്ലയിൽ ജൂണ്‍ 30നായിരുന്നു നാടിനെ നടുക്കിയ സംഭവം. ഗുരുതരമായി പൊളളലേറ്റ പതിനാലുകാരി ചികിത്സയ്ക്കിടെയാണ് മരണപ്പെട്ടത്. പ്രതിയായ ബബ് ലു ഭാസ്‌കരനെ പൊലീസ് ബുധനാഴ്ച രാത്രി അറസ്റ്റ് ചെയ്തു.

ചൊവ്വാഴ്ച രാത്രി പെണ്‍കുട്ടി വീട്ടില്‍ ഒറ്റക്കാണെന്നറിഞ്ഞ് അതിക്രമിച്ച്‌ കയറുകയായിരുന്നു ഇയാൾ. തുടര്‍ന്ന് ബലാത്സംഗം ചെയ്യാനുള്ള ശ്രമം നടന്നെങ്കിലും പെണ്‍കുട്ടി തടഞ്ഞു. തുടർന്ന് പ്രകോപിതനായ മൂപ്പതുകാരന്‍ പെൺകുട്ടിയെ തീ കൊളുത്തി കൊല്ലുകയായിരുന്നു. ശരീരത്തില്‍ മണ്ണെണ്ണയൊഴിച്ച്‌ തീ കൊളുത്തുകയായിരുന്നു. ദേഹത്ത് തീ ആളിപടർന്നതോടെ സഹായം അഭ്യര്‍ത്ഥിച്ച്‌ പെണ്‍കുട്ടി വീട്ടിന് പുറത്തേക്ക് ഓടി. തുടര്‍ന്ന് അയല്‍വാസികള്‍ തീയണയ്ക്കുകയും ആശുപത്രിയില്‍ എത്തിക്കുകയും ചെയ്തു. എന്നാൽ ചികിത്സക്കിടെ പെൺകുട്ടി മരണപ്പെടുകയായിരുന്നു. പ്രതിക്കെതിരെ പോക്‌സോ വകുപ്പുകള്‍ ഉള്‍പ്പടെ ചേര്‍ത്താണ് കേസ് രജിസ്റ്റര്‍ ചെയ്തിരിക്കുന്നത്.