ചൈനയില് നിന്ന് വൈദ്യുത ഉപകരണങ്ങള് ഇന്ത്യയിലേക്ക് ഇറക്കുമതി ചെയ്യില്ലെന്ന് കേന്ദ്രമന്ത്രി ആര് കെ സിംഗ്
ചൈന ഇന്ത്യ അതിർത്തി സംഘർഷം തുടങ്ങിയ ദിനം മുതൽ ചൈന വിരുദ്ധ വികാരം രാജ്യത്ത് അലയടിച്ച തുടങ്ങിയതാണ്. ബോയ്കോട്ട് ചൈന എന്ന മുദ്രാവാക്യം രാജ്യം മുഴുവൻ മുഴങ്ങി. ചൈനീസ്സ് ആപ്പുകൾ വരെ നിരോധിക്കുന്ന സാഹചര്യത്തിൽ എത്തി ചേർന്നു. ഇപ്പോൾ ഇതാ കേന്ദ്രമന്ത്രി ആര് കെ സിംഗ് പുതിയ പ്രഖ്യാപനം നടത്തിയിരിക്കുകയാണ്. ചൈനയുമായി സംഘര്ഷം തുടരുന്ന സാഹചര്യത്തില് ചൈനയില് നിന്ന് വൈദ്യുത ഉപകരണങ്ങള് ഇന്ത്യയിലേക്ക് ഇറക്കുമതി ചെയ്യില്ലെന്ന് കേന്ദ്രമന്ത്രി ആര് കെ സിംഗ് പറഞ്ഞു . സംസ്ഥാന വൈദ്യുതി മന്ത്രിമാരായുമായുള്ള വെര്ച്ചല് കോണ്ഫറന്സിലാണ് അദ്ദേഹം ഇക്കാര്യം അറിയിച്ചത്. നിലവിലെ സാഹചര്യത്തില് ചൈനയില് നിന്നും പാകിസ്ഥാനില് നിന്നും ഉപകരണങ്ങള് ഒന്നും തന്നെ ഇറക്കുമതി ചെയ്യില്ല എന്ന നിലപാട് അദ്ദേഹം വ്യക്തമാക്കിയിരിക്കുന്നു. . ചൈനീസ് സ്ഥാപനങ്ങള് ഉപകരണങ്ങള് വിതരണം ചെയ്യാന് പാടില്ലെന്ന ഉത്തരവ് സംസ്ഥാനങ്ങള് നല്കണമെന്നും അദ്ദേഹം പറഞ്ഞു .
എല്ലാ സാധനങ്ങളും നമ്മള് ഇവിടെ നിര്മിക്കുമെന്നും അദ്ദേഹം വ്യക്തമാക്കി. 21,000 കോടിയുടെ വൈദ്യുത ഉപകരണങ്ങള് ഉള്പ്പെടെ 71,000കോടിയുടെ സാധനങ്ങളാണ് ചൈനയില് നിന്നും ഇന്ത്യയിലേക്ക് ഇറക്കുമതി ചെയ്യുന്നതെന്ന് സിംഗ് പറഞ്ഞു. ഇത്രയും കോടിയുടെ സാധനനങ്ങള് ഇറക്കുമതി ചെയ്തിട്ടും ഒരു ആ രാജ്യം നമ്മുക്ക് മേല് കടന്ന് കയറുന്നത് ക്ഷമിക്കാനാവില്ല എന്നും അദ്ദേഹം പറഞ്ഞു . ചൈനയില് നിന്നും പാകിസ്ഥാനില് നിന്നും ഒന്നും തന്നെ ഇന്ത്യ എടുക്കില്ലെന്നും അദ്ദേഹം പറയുകയുണ്ടായി .
https://www.facebook.com/Malayalivartha
