മുംബൈ ഭീകരാക്രമണം: ലഖ്വി ജയില് മോചിതനായി, ലഖ്വിയെ രഹസ്യ കേന്ദ്രത്തിലേക്കു മാറ്റിയതായാണു സൂചന
മുംബൈ ഭീകരാക്രമണത്തിന്റെ മുഖ്യസൂത്രധാരനായ സഖി ഉര് റഹ്മാന് ലഖ്വി ജയില് മോചിതനായി. ലാഹോര് ഹൈക്കോടതിയില് നിന്നും ജാമ്യം ലഭിച്ചതിനെ തുടര്ന്നാണു ലഖ്വി ജയിലില് നിന്നും പുറത്തിറങ്ങിയത്. ജയില് മോചിതനായ ലഖ്വിയെ രഹസ്യ കേന്ദ്രത്തിലേക്കു മാറ്റിയതായാണു റിപ്പോര്ട്ട്.
ഇന്നലെയാണ് ലാഹോര് കോടതി ലഖ്വിയെ മോചിപ്പിക്കാന് ഉത്തരവിട്ടത്. ലഖ്വിയെ നിയമവിരുദ്ധമായാണു തടവില് പാര്പ്പിച്ചിരിക്കുന്നതെന്ന നിരീക്ഷണത്തോടെയായിരുന്നു ലഖ്വിയെ മോചിപ്പിക്കാന് കോടതി ഉത്തരവിട്ടത്. മുംബൈ ആക്രമണക്കേസില് 2009 ലാണ് ലഖ്വി അറസ്റ്റിലായത്. പിന്നീട് മതിയായ തെളിവുകളില്ലെന്ന കാരണത്താല് ലഖ്വി ഉള്പ്പെടെ ആറു പ്രതികള്ക്കു ഭീകരവിരുദ്ധകോടതി ജാമ്യം അനുവദിച്ചിരുന്നു.
മുംബൈ ഭീകരാക്രമണക്കേസില് ജാമ്യം കിട്ടിയ ലഖ്വിയെ മെയിന്റനന്സ് ഓഫ് പബ്ളിക് ഓര്ഡര്(എംപിഒ) ഉത്തരവിന്റെ അടിസ്ഥാനത്തില് തുടര്ന്നും ജയിലില് അടച്ചു. എന്നാല്, ഇസ്ലാമാബാദ് ഹൈക്കോടതി പ്രസ്തുത ഉത്തരവ് റദ്ദാക്കുകയും പത്തുലക്ഷം രൂപ ജാമ്യത്തില് ലഖ്വിയെ വിട്ടയയ്ക്കാന് നിര്ദേശിക്കുകയും ചെയ്തു. എന്നാല് ഇന്ത്യയടക്കമുള്ള രാജ്യങ്ങളുടെ എതിര്പ്പിനെ തുടര്ന്നു ലഖ്വിയെ പുറത്തിറങ്ങാന് അനുവദിച്ചിരുന്നില്ല.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
