ഗുണ്ടാ നേതാവ് പുത്തന്‍പാലം രാജേഷുമായി അടുത്ത ബന്ധമെന്ന് കണ്ടെത്തിയതിനെ തുടര്‍ന്ന് മൂന്ന് പൊലീസുകാരെ സസ്‌പെന്‍ഡ് ചെയ്തു. സിപിഒ മാരായ റിയാസ് ജെആര്‍, മുഹമ്മദ് ഷാഫി, ശ്രീകുമാര്‍ എന്നിവരെയാണ് സസ്‌പെന്‍ഡ് ചെയ്തത്. തിരുവനന്തപുരം പേട്ട സ്‌റ്റേഷനിലെ സിപിഒ മാരാണ് ഇവര്‍.

കഴിഞ്ഞ ദിവസം പുത്തന്‍പാലം രാജേഷിനെ പേട്ട പൊലീസ് അറസ്റ്റ് ചെയ്തിരുന്നു. അറസ്റ്റ് രേഖപ്പെടുത്തിയ പ്രതിയ്ക്ക് വിളിക്കാന്‍ ഫോണ്‍ കൊടുത്തുവെന്നും പ്രതി ആവശ്യപ്പെട്ട സാധനങ്ങള്‍ വാങ്ങിച്ചു നല്‍കിയെന്നും കണ്ടെത്തിയതിനെ തുടര്‍ന്നാണ് നടപടി.

ഫോണ്‍ ഉപയോഗിച്ച് പ്രതി സുഹൃത്തുക്കളെയും അഭിഭാഷകനെയും വിളിച്ചുവെന്നും കണ്ടെത്തിയിട്ടുണ്ട്. തിരുവനന്തപുരം സിറ്റി ഡിസിപിയുടേതാണ് നടപടി. ഉദ്യോഗസ്ഥര്‍ക്കെതിരെ വകുപ്പ് തല അന്വേഷണത്തിനും ഡിസിപി ഉത്തരവിട്ടു.