ശൈത്യകാലത്ത് അതികഠിനമായ തണുപ്പും മഞ്ഞ് വീഴ്ചയും ഉണ്ടാകുന്ന സാഹചര്യത്തില് വിന്റര് ഡീസല് ഉപയോഗിക്കാനൊരുങ്ങി ഇന്ത്യന് സൈന്യം
ശൈത്യകാലത്ത് അതികഠിനമായ തണുപ്പും മഞ്ഞ് വീഴ്ചയും ഉണ്ടാകുന്ന സാഹചര്യത്തില് വിന്റര് ഡീസല് ഉപയോഗിക്കാനൊരുങ്ങി ഇന്ത്യന് സൈന്യം.മഞ്ഞുവീഴ്ചയും കനത്ത തണുപ്പുംമൂലം ലഡാക്ക് മേഖലകളില് ഇന്ധനം കട്ടിയാകുന്ന സാഹചര്യത്തിലാണിത്. . ശൈത്യകാലത്ത് അതികഠിനമായ തണുപ്പും മഞ്ഞ് വീഴ്ചയുമാണ് ലഡാക്കിലെ ലേ, കാര്ഗില് എന്നീ പ്രദേശങ്ങളില് അനുഭവപ്പെടുക. അതുകൊണ്ടുതന്നെ സാധാരണ ഡീസല് തണുത്ത് ഉറയുകയും വാഹനങ്ങള് തകരാറിലാകാന് കാരണവുകയും ചെയ്യുന്നു. ഈ സാഹചര്യത്തില് രാജ്യത്തെ ഏറ്റവും വലിയ എണ്ണ വിപണന കമ്ബനിയായ സര്ക്കാര് ഉടമസ്ഥതയിലുള്ള ഇന്ത്യന് ഓയില് കോര്പ്പറേഷന് (ഐഒസി ) 30ഡിഗ്രി സെല്ഷ്യസ് വരെ കുറഞ്ഞ താപനിലയില് ഉപയോഗിക്കാവുന്ന വിന്റര് ഡീസലിന് അംഗീകാരം നല്കാന് സായുധ സേനയുടെ ഡയറക്ടറേറ്റ് ജനറല് ഓഫ് ക്ലാളിറ്റി അഷ്വറന്സിന്റെ (ഡിജിക്യുഎ)യുടെ അനുമതി തേടി.
സാധാരണ ഡീസല് കനത്ത മഞ്ഞില് കല്ലുപോലെ ആകുമെന്നതിനാല് വാഹന ഇന്ധനമായി ഉപയോഗിക്കാന് ലഡാക്കുകാര്ക്ക് സാധിക്കാറില്ല. പൂജ്യത്തിനും താഴെ, മൈനസ് 30 ഡിഗ്രി വരെ ഇവിടെ ഊഷ്മാവ് താഴാറുണ്ട്. എന്നാല്, ഐ.ഒ.സി ഉത്പാദിപ്പിച്ച പുതിയ വിന്റര് ഗ്രേഡ് ഡീസല് മൈനസ് 33 ഡിഗ്രി സെല്ഷ്യസിലും ദ്രവരൂപത്തില് തന്നെ നിലനില്ക്കും. ഇത്തരം കുറഞ്ഞ താപനിലയില് സാധാരണ ഡീസല് ഉപയോഗിക്കുന്നത് വാഹനങ്ങള് തകരാറിലാകുമെന്ന് ഐഒസി വികസന ഡയറക്ടര്.
കുറഞ്ഞ ശ്യാനത(്ശരെീശെ്യേ) നിലനിര്ത്താന് സംയോജിപ്പിച്ച വിന്റര് ഡീസല് 30 ഡിഗ്രി സെല്ഷ്യസ് വരെ കുറഞ്ഞ താപനിലയില് ഉപയോഗിക്കാന് സാധിക്കും.-അദ്ദേഹം വ്യക്തമാക്കി. ഡീസലിന്റെ ജ്വലന വേഗതയും സാന്ദ്രീകരണവും കണക്കിലെടുത്തിട്ടുണ്ട്. കൂടാതെ കുറഞ്ഞ തോതില് സള്ഫറും അടങ്ങിയിട്ടുണ്ട്. ഇത് എഞ്ചിനുകളില് കുറഞ്ഞതോതില് നിക്ഷേപത്തിനും മികച്ചരീതിയില് ഉപയോഗിക്കാനും സാധിക്കും.
ഐഒസില് ഉള്പ്പെടെ മറ്റ് എണ്ണ കമ്പനികള് അതായത് ഭാരത് പെട്രോളിയം കോര്പറേഷന് ലിമിറ്റഡ്, ഹിന്ദുസ്ഥാന് പെട്രോളിയം കോര്പറേഷന് ലിമിറ്റഡ്, തുടങ്ങിയവ സായുധസേനയ്ക്കായി ഡീസല് ഹൈ സള്ഫര് പൗര് പോയിന്റ് (ഡിഎച്ച്പിപി-ഡബ്ല്യു) ആണ് സായുധ പ്രവര്ത്തനങ്ങള്ക്കായി നല്കുന്നത്. നിലവില് ലഡാക്കില് സായുധസേന ഉപയോഗിക്കുന്നത് ഇതാണ്. അതിര്ത്തിയില് സംഘര്ഷം കണക്കിലെടുത്ത് ഇന്ധനത്തിന്റെ ആവശ്യം ഉയരുമെന്ന് വിദഗ്ദ്ധര് പ്രതീക്ഷിച്ചിരുന്നു.
L
https://www.facebook.com/Malayalivartha
