പരിശോധന നിര്‍ബന്ധം; അല്ലെങ്കില്‍ യാത്ര വേണ്ട; ആരോഗ്യ പരിശോധന കര്‍ശനമാക്കാനൊരുങ്ങി റെയില്‍വേ
രാജ്യത്തെ കോവിഡ് രോഗ വ്യാപനത്തിന്റെ നിരക്ക് വര്‍ധിക്കുന്ന സാഹചര്യത്തില്‍ യാത്രക്കാരില്‍ ആരോഗ്യ പരിശോധന കര്‍ശമാക്കാന്‍ റെയില്‍വേ. ആരോഗ്യ പരിശോധനക്ക് വിധേയരാകാത്ത യാത്രക്കാരെ യാത്ര വിലക്കാനുള്ള കര്‍ശന നടപടിയാണ് റെയില്‍വേ സ്വീകരിക്കുക. പരിശോധന തടസ്സപ്പെടുത്തുന്ന വിധത്തില്‍ യാത്രക്കാര്‍ വൈകിയെത്തുന്നത് പതിവായിരുന്നു. ഇതിനെ തുടര്‍ന്നാണ് കടുത്ത നിലപാട് സ്വീകരിക്കാന്‍ റെയില്‍വേ നിര്‍ബന്ധിതമായത്.
റിസര്‍വേഷന്‍ യാത്ര മാത്രമാണ് ഇപ്പോള്‍ റെയില്‍വേ അനുവദിച്ചിരിക്കുന്നത്. ട്രെയില്‍ പുറപ്പെടുന്നതിന് ഒന്നര മണിക്കൂര്‍ മുമ്പേ യാത്രക്കാരുടെ ആരോഗ്യ പരിശോധന തുടങ്ങും. ട്രെയിന്‍ പുറപ്പെടുന്നതിനുമുമ്പേ പരിശോധന പൂര്‍ത്തിയാക്കുന്നതിനുവേണ്ടിയാണിത്. എന്നാല്‍ യാത്രക്കാരില്‍ ചെറിയൊരു ശതമാനവും വൈകിയാണ് സ്റ്റേഷനുകളിലെത്തുന്നത്. ഇത് പരിശോധന സമയം നഷ്ടമാകുന്നതിന് കാരണമാകുന്നു. അവസാന നിമിഷം എത്തുന്നവര്‍ ട്രെയിന്‍ പുറപ്പെടുമെന്ന ഭീതിയില്‍ ആരോഗ്യ പരിശോധനയ്ക്ക് വിമസതിക്കുന്നതായും റെയില്‍വേ അധികൃതര്‍ പറയുന്നു.
കഴിഞ്ഞ ദിവസം തിരുവനന്തപുരം സെന്‍ട്രല്‍ റെയില്‍വേ സ്റ്റേഷനില് ജനശതാബ്ദി എക്‌സ്പ്രസിനുള്ള 20 യാത്രക്കാരെ പരിശോധന നടത്താതെയാണ് യാത്ര ചെയ്യാന്‍ അനുവദിച്ചത്. അവസാനസമയം എത്തിയ ഇവര്‍ സുരക്ഷാജീവനക്കാരുടെ എതിര്‍പ്പ് അവഗണിച്ചാണ് ട്രെയിനില്‍ പ്രവേശിച്ചത്. കോവിഡ് വ്യാപനം രൂക്ഷമായ തലസ്ഥാനത്തു നിന്നു യാത്രക്കാര്‍ പരിശോധന ഒഴിവാക്കി ട്രെയിനില്‍ കയറിയത് ഗരുതരവീഴ്യാണെന്നാണ് നിഗമനം. ഇനിയും ആനൂകൂല്യം തുടര്‍ന്ന് അനുവദിക്കേണ്ടതില്ലെന്ന് റെയില്‍വേ അധികൃതരുടെ തീരുമാനം. തിരപവന്തപുരം ഡിവിഷന്റെ കീഴിലുള്ള എല്ലാ സ്റ്റേഷനുകളിലും പരിശോധന കര്‍ശനമാക്കാന്‍ നിര്‍ദേശം നല്‍കി. ട്രെയിന്‍ പുറപ്പെടുന്നതിന് 15 മിനിറ്റ് മുമ്പേ സ്റ്റേഷനിലേക്കുള്ള പ്രവേശനം തടയും.
ട്രെയിനിന് ഉള്ളിലും പരിശോധന കര്‍ശനമാക്കും. സ്റ്റേഷനില് നിന്നു കയറിയ ശേഷം മുഖാവരണം ഒഴിവാക്കുന്നതും കൂട്ടംകൂടി ഇരിക്കുന്നതായും കണ്ടെത്തിയിട്ടുണ്ട്. ഇത് തടയാന്‍ ആര്‍.പി.എഫ് ട്രെയിനിനുള്ളില്‍ പരിശോധന നടത്തും. നിയമം ലംഘിക്കുന്നവരില്‍ നിന്നും പിഴ ഈടാക്കും. ആദ്യ ഘട്ടത്തില്‍ ആരോഗ്യ പരിശോധന കര്‍ശനമാക്കിയത് തിരുവനന്തപുരം ഡിവിഷനില്‍ ആണെങ്കിലും മറ്റും ഡിവിഷനുകളിലേക്കും നടപടി വ്യാപിപ്പിക്കാനാണ് റെയില്‍വേയുടെ തീരുമാനം. നിലവില്‍ റെയില്‍വേയുടെ ആകെ ട്രെയിനുകളുടെ എണ്ണത്തില്‍ രണ്ടു ശതമാനം മാത്രമാണ് സര്‍വീസ് നടത്തുന്നത്.
https://www.facebook.com/Malayalivartha
