കൊവിഡ് വാക്സിന് 2020 ൽ ഇല്ല ! കൊവിഡിനെതിരെ ഇന്ത്യ തദ്ദേശിയമായി നിര്മ്മിക്കുന്ന വാക്സിന് ആഗസ്റ്റ് 15ന് പുറത്തിറക്കുമെന്ന ഐ.സി.എം.ആറിന്റെ വാദങ്ങള് കേന്ദ്ര ശാസ്ത്ര സാങ്കേതിക മന്ത്രാലയം തള്ളി
പൂനെയിലെ ഐ.സി.എം.ആര്, നാഷണല് ഇന്സ്റ്റിറ്റ്യൂട്ട് ഓഫ് വൈറോളജി, സി.എസ്.ഐ.ആര് ഇന്സ്റ്റിറ്റ്യൂഷന് സെന്റര് ഫോര് സെല്ലുലാര് ആന്റ് മോളിക്യുലാര് ബയോളജി തുടങ്ങി ആറ് സ്ഥാപനങ്ങളാണ് കൊവിഡ് എന്ന മഹാമാരിയെ പിടിച്ചുകെട്ടാനുള്ള വാക്സിന് പരീക്ഷണം നടത്തുന്നത്. നേരത്തെ ആഗസ്റ്റ് 15 ന് വാക്സിന് പുറത്തിറക്കുമെന്ന ഐ.സി.എം.ആര് പ്രഖ്യാപനം വിവാദമായിരുന്നു.
കൊവിഡിനെതിരെ ഇന്ത്യ തദ്ദേശിയമായി നിര്മ്മിക്കുന്ന വാക്സിന് ആഗസ്റ്റ് 15ന് പുറത്തിറക്കുമെന്ന ഐ.സി.എം.ആറിന്റെ വാദങ്ങള് കേന്ദ്ര ശാസ്ത്ര സാങ്കേതിക മന്ത്രാലയം തള്ളിയിരിക്കുകയാണ് .. 2021 ന് മുന്പ് കൊവിഡ് വാക്സിന് പുറത്തിറക്കാനാവില്ലെന്ന് ശാസ്ത്രസാങ്കേതിക മന്ത്രാലയം അറിയിച്ചു.
ആകെയുള്ള 140 വാക്സിനുകളില് കൊവാക്സിന്, സൈകോവ്ഡി എന്നീ ഇന്ത്യന് വാക്സിനുകള്ക്കൊപ്പം 11 വാക്സിനുകള് മനുഷ്യശരീരത്തില് പരീക്ഷിക്കുന്നതിനായി സമര്പ്പിച്ചിട്ടുണ്ട്. ഇവയിലൊന്നും തന്നെ 2021 ന് മുന്പ് വ്യാപകമായി ഉപയോഗിക്കുന്ന സാഹചര്യം ഉണ്ടാകില്ലന്നു മന്ത്രാലയം അറിയിച്ചു.
ആഗസ്റ്റ് 15 ന് വാക്സിന് പുറത്തിറക്കുമെന്ന ഐ.സി.എം.ആര് പ്രഖ്യാപനത്തിന് പിന്നാലെ ആഗോളാ മാനദണ്ഡങ്ങള് പ്രകാരമാണ് പരീക്ഷണം പുരോഗമിക്കുന്നതെന്ന് ഐ.സി.എം.ആര് വിശദീകരണം നല്കിയിരുന്നു. മനുഷ്യരിലും മൃഗങ്ങളിലും വാക്സിന് പരീക്ഷണം നടത്തുമെന്നും ഐ.സി.എം.ആര് വ്യക്തമാക്കി. നേരത്തെ തിയതി പ്രഖ്യാപിച്ചതുകൊണ്ട് വാക്സിന് പരീക്ഷണത്തിന്റെ ഏതെങ്കിലും ഘട്ടങ്ങളെ തഴയില്ലെന്നും ഐ.സി.എം.ആര്. അവകാശപ്പെട്ടു. . ഭാരത് ബയോടെക് ഇന്റര്നാഷണല് ലിമിറ്റഡുമായി സഹകരിച്ചാണ് 'കോവാക്സിന്' വികസിപ്പിക്കുന്നതിനുള്ള ശ്രമങ്ങള് ഐ.സി.എം.ആര് നടത്തുന്നത്.
https://www.facebook.com/Malayalivartha