8 പൊലീസ് ഉദ്യോഗസ്ഥരെ കൊലപ്പെടുത്തിയ വികാസ് ദുബേയ്ക്ക് പൊലീസ് നീക്കത്തെ കുറിച്ച് ചില പൊലീസുകാര് വിവരം ചോര്ത്തി നല്കി
കാന്പുരില് എട്ടു പൊലീസ് ഉദ്യോഗസ്ഥരെ വെടിവച്ചു കൊലപ്പെടുത്തിയ കൊടും കുറ്റവാളി വികാസ് ദുബെയ്ക്ക് , പൊലീസ് വീട്ടില് പരിശോധന നടത്താന് എത്തുന്ന കാര്യത്തെ കുറിച്ച് ആരോ മുന്നറിയിപ്പു നല്കിയെന്ന് ഞായറാഴ്ച അറസ്റ്റിലായ വികാസ് ദുബെയുടെ സംഘാഗം ദയാശേഖര് അഗ്നിഹോത്രി വെളിപ്പെടുത്തി. ലോക്കല് പൊലീസ് സ്റ്റേഷനില് നിന്ന് ആരോ വികാസിന് വിവരം ചോര്ത്തി നല്കിയെന്നാണ് അന്വേഷണ ഉദ്യോഗസ്ഥര് കരുതുന്നത്.
മുതിര്ന്ന ബിജെപി നേതാവ് സന്തോഷ് ശുക്ലയെ 2001-ല് കൊലപ്പെടുത്തിയ കേസില് പ്രതിയായ ദുബെയെ വ്യാഴാഴ്ച അര്ധരാത്രി കാന്പുരിലെ ചൗബേപൂര് പൊലീസ് സ്റ്റേഷന് പരിധിയിലെ ബിക്രു ഗ്രാമത്തില് പിടികൂടാനെത്തിയ പൊലീസ് സംഘത്തിനു നേരെയാണ് എകെ47 ഉപയോഗിച്ച് വെടിയുതിര്ത്തത്.
വികാസ് ദുബെയുടെ ഫോണ് കോളുകള് പരിശോധിച്ചതില് നിന്നാണ് പൊലീസിന് നിര്ണായക വിവരം ലഭ്യമായത്. വെടിവയ്പ് നടന്ന ബിക്രു ഗ്രാമത്തിലെ ചൗഹേയ്പുര് പൊലീസ് സ്റ്റേഷനില് നിന്ന് രണ്ട് ഉദ്യോഗസ്ഥര് ദുബെയെ സംഭവത്തിനു മുന്പ് വിളിച്ചിരുന്നതായാണ് തെളിവുകള് സൂചിപ്പിക്കുന്നത്. അഗ്നിഹോത്രിയുടെ മൊഴിയും ഇതു തന്നെ സൂചിപ്പിക്കുന്നു. ഇരുപതോളം പൊലീസ് ഉദ്യോഗസ്ഥര് ദുബെയെ വിളിച്ചെന്നാണ് ഫോണ് രേഖകള് സൂചിപ്പിക്കുന്നത്.
' വികാസ് ദുബേയെ അറസ്റ്റ് ചെയ്യാന് പൊലീസുകാര് എത്തുന്നതിനു തൊട്ടുമുന്പ് പൊലീസ് സ്റ്റേഷനില് നിന്ന് ഫോണ് വന്നിരുന്നു. അതിനു ശേഷം പൊലീസുകാര്ക്കു നേരെ വെടിയുതിര്ക്കുന്നതിനായി അയാള് 25-30 ആളുകളെ വിളിച്ചുവരുത്തി. എന്നെ അപ്പോള് അവിടെ ഒരു മുറിയില് പൂട്ടിയിട്ടിരിക്കുകയായിരുന്നു. ഒന്നും കാണാന് കഴിഞ്ഞില്ല'- സംഭവുമായി ബന്ധപ്പെട്ട് ഇന്ന് അറസ്റ്റിലായ അഗ്നിഹോത്രി പറഞ്ഞു.
സംഭവുമായി ബന്ധപ്പെട്ട് വിനയ് തിവാരി എന്ന ചൗബേയ്പുര് സ്റ്റേഷനിലെ ഉദ്യോഗസ്ഥനെ സസ്പെന്ഡ് ചെയ്തതായി വാര്ത്താ ഏജന്സി റിപ്പോര്ട്ട് ചെയ്തു.എന്കൗണ്ടര് നടക്കുന്നതിനു തൊട്ടുമുന്പ് ഇയാള് അവിടെ നിന്നു രക്ഷപ്പെട്ടതായും വിവരമുണ്ട്. വികാസ് ദുബെയുമായി ഏറ്റുമുട്ടിയ പൊലീസ് ഉദ്യോഗസ്ഥര്ക്ക് സഹായം എത്തിക്കാന് പൊലീസുകാര് എത്താന് വൈകിയത് ഇയാള് കാരണമെന്നാണ് വിവരം. ദുബെയുമായി നിരന്തരം സമ്പര്ക്കം ഉണ്ടായി എന്നതും ഇയാളെ സസ്പെന്ഡ് ചെയ്യാന് കാരണമാണ്.
ദൂബേയെ അറസ്റ്റു ചെയ്യാനുള്ള പൊലീസ് നീക്കത്തെ കുറിച്ച് അയാള്ക്ക് വിവരങ്ങള് ചോര്ത്തി നല്കിയതില് എത്ര പേര്ക്ക് പങ്കുണ്ടെന്നറിയാന് ലോക്കല് പൊലീസ് സ്റ്റേഷനിലെ എല്ലാവരും നിരീക്ഷണത്തില് ആയിരിക്കുമെന്നും കുറ്റം ചെയ്തവര്ക്ക് കടുത്ത ശിക്ഷ തന്നെ നല്കുമെന്നും കാന്പുര് ഐജി മോഹിത് അഗര്വാള് അറിയിച്ചു.
8 പൊലീസ് ഉദ്യോഗസ്ഥര് കൊല്ലപ്പെട്ട ഏറ്റുമുട്ടല് പെട്ടെന്ന് ഉണ്ടായ ആക്രമണമാണെന്നും വിവിധ ഇടങ്ങളില് നിന്ന് വെടിവയ്ക്കുകയായിരുന്നുവെന്നും ഇത് കൃത്യമായി ആസൂത്രണം ചെയ്ത് നടപ്പാക്കിയതാണെന്നും പൊലീസ് ഉദ്യോഗസ്ഥര് പറയുന്നു. കൊലപാതകം ഉള്പ്പെടെ അറുപതിലേറെ കേസുകളില് പ്രതിയാണു വികാസ് ദുബെ. ഇയാളെ പിടികൂടാന് 25 പ്രത്യേക പൊലീസ് സംഘങ്ങളെ നിയോഗിച്ചു.
https://www.facebook.com/Malayalivartha