ഉത്തരേന്ത്യന്‍ സംസ്ഥാനങ്ങള്‍ അഭിമുഖികരിക്കുന്ന വെട്ടുകിളി അക്രമണത്തില്‍ കര്‍ഷകരെ രക്ഷിക്കാന്‍ ഇന്ത്യന്‍ വ്യോമ സേന തന്നെ രംഗത്തിറങ്ങിരിക്കുകയാണ്. വ്യോമസേനയുടെ എം.ഐ 17 ഹെലികോപ്ടറുകള്‍ ഉപയോഗപ്പെടുത്തി വെട്ടുകിളികളെ തുരത്തനാനുള്ള നടപടിയാണ് ഇപ്പോള്‍ കേന്ദ്ര സര്‍ക്കാര്‍ ആരംഭിച്ചിരിക്കുന്നത്. തദ്ദേശീയമായി വികസിപ്പിച്ചെടുത്ത സാങ്കേതിക വിദ്യയാണ് വെട്ടുകിളികള്‍ക്കെതിരെ പ്രയോഗിക്കുകയെന്ന് വ്യോമസേന അറിയിച്ചു. ഈ സാങ്കേതിക വിദ്യാ ഉപയോഗിച്ച് വെട്ടുകിളി കൂട്ടങ്ങളെ വേഗത്തില്‍ കണ്ടെത്താനും കൂടുതലെണ്ണത്തിനെ ഒന്നിച്ച് നശിപ്പിക്കാനും കഴിയുമെന്ന് വ്യോമസേന വൃത്തങ്ങള്‍ വ്യക്തമാക്കി. വെട്ടുകിളി കൂട്ടങ്ങള്‍ക്ക് നേരെ ആകാശത്ത് നിന്ന് തന്നെ കീടനാശിന് പ്രയോഗം നടത്താനാവും.

വെട്ടുകിളി ശല്യം രൂക്ഷമായി രാജസ്ഥാനനിലെ വിവിധ സ്ഥലങ്ങളില്‍ വ്യോമസേനാ ഹെലികോപ്ടറുകള്‍ ഞായറാഴ്ച തന്നെ പ്രതിരോധ പ്രവര്‍ത്തനം ആരംഭിച്ചു. രണ്ട് മാസമായി ജോധ്പുരില്‍ വെട്ടുകിളികള്‍ കൂട്ടമായി എത്തിച്ചേരുകയാണ്. പകുതിയോളം പ്രാണികളെ നശിപ്പിക്കാന്‍ സാധിച്ചതായിയാണ് സൂചന. ഇതാദ്യമായാണ് പ്രതിരോധ പ്രവര്‍ത്തനത്തില്‍ വ്യോമസേന പങ്കാളിയാവുന്നത്. പാകിസ്ഥാന്‍ വഴി രാജ്യാര്‍ത്തി കടന്നെത്തിയ വെട്ടു കിളികള്‍ രാജസ്ഥാനും, പഞ്ചാബും, ഡല്‍ഹിയും ഉത്തര്‍പ്രദേശം കടന്ന് ഇപ്പോള്‍ മഹാരാഷ്ട്രയില്‍ എത്തി നില്‍ക്കുകയാണ്.

ദക്ഷിണാഫ്രിക്ക, കെനിയ, പാകിസ്താന്‍ തുടങ്ങി വിവിധ രാജ്യങ്ങളില്‍ നിന്നാണ് വെട്ടുകിളികള്‍ കൂട്ടമായി എത്തുന്നത്. കാലാവസ്ഥാ വ്യതിയാനവും ചുഴലിക്കാറ്റുമൊക്ക ഇവയുടെ ദേശാടനത്തിന് കാരണമായി കണക്കാക്കുന്നത്. ആഫ്രിക്കന്‍ രാജ്യങ്ങളില്‍ കനത്ത മഴയാണ് ഈ കാലളവിലുണ്ടായത്. ഇത് അവിടങ്ങളില്‍ വെള്ളപൊക്കത്തിന് കാരണമായി. ഇത് വരണ്ട പ്രദേശങ്ങളെ പോലും ഈര്‍പ്പമുള്ളതാക്കി. ഈ സാഹചര്യം വെട്ടുകിളികള്‍ക്ക് അനുകൂലമാകുകയും അവ വന്‍തോതില്‍ പെറ്റു പെരുകുകയും ചെയ്തു. ഇവയാണ് ആഫ്രിക്കയില്‍ നിന്നും ഏഷ്യയിലേക്ക് എത്തപ്പെട്ടത്. ഇനി എത്രകാലം ഇവ ഇന്ത്യയിലുണ്ടാകുമെന്നും പ്രവചിക്കാന്‍ സാധിക്കില്ല. വെട്ടുകിളികളുടെ എണ്ണത്തിലുണ്ടായ വര്‍ധനവിന് കാലവസ്ഥ വ്യതിയാനത്തിനൊപ്പം മറ്റൊരു കാരണമാണ് കുരുവികളുടെയും പറവകളുടെയും എണ്ണത്തിനുണ്ടായ കുറവ്. വെട്ടുകിളികളെ ഭക്ഷണമാക്കുന്ന ഇത്തരം കുരുവികള്‍ മൊബൈല്‍ ടവറുകളുടെ റേഡിയേഷനുകളെ തുടര്‍ന്ന് ചത്തൊടുങ്ങുന്നതായും റിപ്പോര്‍ട്ടുകളുണ്ടായിരുന്നു. ഇതെല്ലാം വെട്ടുകിളി അക്രമണം രൂക്ഷമാക്കി.

വെട്ടുകിളി അക്രമണത്തില്‍ നട്ടം തിരിഞ്ഞത് സാധാരണക്കാരായ കര്‍ഷകരാണ്. ഇവരുടെ വിളകള്‍ നിമിഷ നേരംകൊണ്ടു തന്നെ ഇവ തിന്നു തീര്‍ത്തു. ഇത് സാമ്പത്തികമായി തന്നെ കര്‍ഷകരെ തളര്‍ത്തി. ഇത്തരം ആക്രമണത്തിനിരയായ കര്‍ഷകര്‍ക്ക് പ്രത്യേക സാമ്പത്തിക സഹായമൊന്നും സര്‍ക്കാരുകള്‍ നല്‍കിയതുമില്ല. വിളകള്‍ തീയിട്ടു പോലും ഇവയുടെ ആക്രമണത്തില്‍ നിന്നും രക്ഷപ്പെടാന്‍ കര്‍ഷകര്‍ ശ്രമിച്ചു. പ്രതിഷേധം ശക്തമാതോടെയാണ് വ്യോമ സേനയെ രംഗത്തിറക്കി വെട്ടുകിളികളെ നേരിടാന്‍ സര്‍ക്കാര്‍ തീരുമാനിച്ചത്.