തമിഴ്‌നാട്ടില്‍ കോവിഡ് ബാധിതരുടെ എണ്ണം കുതിക്കുന്നു. കോവിഡ് ബാധിതരുടെ എണ്ണം ഒന്നര ലക്ഷത്തിലേക്ക്. 24 മണിക്കൂറിനിടെ 4328 പേര്‍ക്കാണ് കോവിഡ് സ്ഥിരീകരിച്ചത്. ഈ സമയത്ത് 3035 പേര്‍ രോഗമുക്തി നേടി ആശുപത്രി വിട്ടപ്പോള്‍ 66 പേര്‍ക്ക് ജീവന്‍ നഷ്ടമായതായി തമിഴ്‌നാട് ആരോഗ്യവകുപ്പ് കണക്കുകള്‍ വ്യക്തമാക്കുന്നു.കേരളത്തില്‍ നിന്ന് റോഡുമാര്‍ഗം തമിഴ്‌നാട്ടില്‍ എത്തിയ ആറു പേര്‍ക്ക് കോവിഡ് സ്ഥിരീകരിച്ചു.

നിലവില്‍ സംസ്ഥാനത്ത് 1,42,798 പേര്‍ക്കാണ് കോവിഡ് കണ്ടെത്തിയത്. ഇതില്‍ 92,567 പേര്‍ രോഗമുക്തി നേടി ആശുപത്രി വിട്ടു. 48,196 പേര്‍ വിവിധ ആശുപത്രികളില്‍ ചികിത്സയില്‍ കഴിയുന്നു. മരണസംഖ്യ 2000 കടന്നു. 2032 പേര്‍ക്കാണ് ഇതുവരെ ജീവന്‍ നഷ്ടമായതെന്നും കണക്കുകള്‍ വ്യക്തമാക്കുന്നു.