വിവാദങ്ങളുടെ തോഴനായ ബി.ജെ.പി. എം.പി. സാക്ഷി മഹാരാജ് വീണ്ടും വിവാദ പ്രസ്താവനകളുമായി വാര്‍ത്തകളില്‍ നിറയുന്നു. സര്‍ക്കാരിന്റെ കുടുംബാസൂത്രണ നിയമം പിന്തുടരാത്ത മുസ്ലിം ജനതയുടെ വോട്ടവകാശം റദ്ദാക്കണമെന്നായിരുന്നു സാക്ഷിയുടെ പുതിയ പരാമര്‍ശം. വന്ധ്യംകരണ ശസ്ത്രക്രീയകള്‍ക്ക് ഹിന്ദുക്കള്‍ എപ്പോഴും തയ്യാറാകുന്നു. എന്നാല്‍ മുസ്ലീങ്ങള്‍ ഇത് നിരാകരിക്കുന്നു. ഇത് ശരിയല്ലെന്നും സാക്ഷി മഹാരാജ് കുറ്റപ്പെടുത്തി.
ജനസംഖ്യാ വര്‍ധനവ് നിയന്ത്രിക്കുന്നതിനാണ് കേന്ദ്ര സര്‍ക്കാര്‍ കുടുംബാസൂത്രണം കൊണ്ടുവന്നത്. എന്നാല്‍ മുസ്ലീങ്ങള്‍ ഇത് പിന്തുടരുന്നില്ല. ഇത് ശരിയല്ല. നിയമം എല്ലാവര്‍ക്കും ഒരുപോലെയാണ്. സ്വാതന്ത്രം ലഭിക്കുമ്പോള്‍ രാജ്യത്തെ ജനസംഖ്യ 30 കോടിയായിരുന്നു. എന്നാലിപ്പോള്‍ ഇത് 130 കോടിയായി വര്‍ധിച്ചിരിക്കുന്നു. ആരാണ് ഇതിന് ഉത്തരവാദിയെന്നും അദ്ദേഹം ചോദിച്ചു.
ഹിന്ദുവിന് നാലുകുട്ടികളുണ്ടായാല്‍ അതിനെതിരെ തര്‍ക്കങ്ങളുയരും എന്നാല്‍ ഒരു മുസ്ലിം യുവാവ് നാല് സ്ത്രീകളെ വിവാഹം ചെയ്ത് നാല്‍പ്പത് കുട്ടികള്‍ക്ക് ജന്മം നല്‍കിയാല്‍ ആരും പ്രതിഷേധമുയര്‍ത്തില്ല. ഇതുകൊണ്ടുതന്നെ ജനസംഖ്യ നിയന്ത്രിക്കുന്നതിന് ഒരു പൊതു നിയമം ആവശ്യമാണ്. ഇത് ആരെങ്കിലും ലംഘിച്ചാല്‍ അവരുടെ വോട്ടവകാശം റദ്ദാക്കണമെന്നും അദ്ദേഹം ആവശ്യപ്പെട്ടു.

അപ്പപ്പോഴുള്ള വാര്‍ത്തയറിയാന്‍ ഞങ്ങളുടെഫേസ്‌ ബുക്ക്‌Likeചെയ്യുക

https://www.facebook.com/Malayalivartha