വിദ്യാര്ത്ഥികളുടെയും അദ്ധ്യാപികമാരുടെയും ചിത്രങ്ങള് അശ്ലീല സൈറ്റില് പ്രചരിപ്പിച്ച സംഭവത്തില് രണ്ട് പേര് അറസ്റ്റില്
കോളേജ് വിദ്യാര്ത്ഥികളുടെ ചിത്രങ്ങള് അശ്ലീല വെബ്സൈറ്റില് പ്രചരിപ്പിച്ച സംഭവത്തില് രണ്ടുപേര് അറസ്റ്റില്. ബംഗളൂരുവിലെ കോളേജ് വിദ്യാര്ത്ഥികളുടെയും അദ്ധ്യാപികമാരുടെയും സാമൂഹികമാദ്ധ്യമങ്ങളിലെ ചിത്രങ്ങള് ദുരുപയോഗം ചെയ്തായിരുന്നു അശ്ലീല വെബ്സൈറ്റില് പോസ്റ്റ് ചെയ്തിരുന്നത്. സംഭവം ശ്രദ്ധയില്പ്പെട്ടതോടെ വിദ്യാര്ത്ഥികളും കോളേജ് അധികൃതരും പൊലീസില് പരാതി നല്കുകയായിരുന്നു.
ടെക്കികളായ അജയ് തനികാചലം(27) വികാസ് രഗോഥം(27) എന്നിവരെയാണ് സിറ്റി ക്രൈംബ്രാഞ്ചിന്റെ സൈബര് വിംഗ് അറസ്റ്റ് ചെയ്തത്. പെണ്കുട്ടികളുടെയും അദ്ധ്യാപികമാരുടെയും ചിത്രങ്ങള് അശ്ലീല വെബ്സൈറ്റില് നിന്ന് നീക്കം ചെയ്തതായും പൊലീസ് അറിയിച്ചു.
രണ്ട് ടെക്കികളും ചേര്ന്ന് മുപ്പതിലേറെ വിദ്യാര്ത്ഥികളുടെ ചിത്രങ്ങള് പ്രചരിപ്പിച്ചതായി പൊലീസ് കണ്ടെത്തി. തുടര്ന്ന് വിശദമായ അന്വേഷണത്തിനൊടുവില് പ്രതികളെ പിടികൂടുകയായിരുന്നു. ഇവരുടെ ലാപ്ടോപ്പുകളും മൊബൈല് ഫോണുകളും പൊലീസ് പിടിച്ചെടുത്തിട്ടുണ്ട്. ചിത്രങ്ങള് അശ്ലീല വെബ്സൈറ്റില് പ്രചരിപ്പിച്ച സംഭവത്തില് വിദ്യാര്ത്ഥി കൂട്ടായ്മകളും രക്ഷിതാക്കളും ശക്തമായ പ്രതിഷേധം ഉയര്ത്തിയിരുന്നു.
https://www.facebook.com/Malayalivartha
