ആന്ധ്രയിലും കോവിഡ് രോഗികളുടെ എണ്ണം കുതിച്ചുയരുമഹാരാഷ്ട്രയില്‍ 9,601 പേര്‍ക്കുകൂടി കോവിഡ് സ്ഥിരീകരിച്ചു. ഇതോടെ സംസ്ഥാനത്തെ ആകെ കോവിഡ് ബാധിതരുടെ എണ്ണം 4,31,719 ആയി. ശനിയാഴ്ച 322 മരണം റിപ്പോര്‍ട്ട് ചെയ്തതോടെ ആകെ മരണസംഖ്യ 15,316 ആയി. പുതിയ രോഗികളില്‍ 1,059 പേരും മുംബൈയിലാണ്. സംസ്ഥാനത്ത് 2,66,883 പേര്‍ ഇതുവരെ രോഗമുക്തരായി. ബുധനാഴ്ച മാത്രം 10,725 പേര്‍ക്ക് രോഗം ഭേദമായി. 61.82 ശതമാനമാണ് രോഗമുക്തി നിരക്ക്. 1,49,214 പേരാണ് നിലവില്‍ സംസ്ഥാനത്തുടനീളം ചികിത്സയില്‍ തുടരുന്നത്. ഇതില്‍ 46,345 പേരും പുണെയിലാണ്.

ആന്ധ്രയിലും കോവിഡ് രോഗികളുടെ എണ്ണം കുതിച്ചുയരുകയാണ്. കഴിഞ്ഞ 24 മണിക്കൂറിനുള്ളില്‍ 9,276 പേര്‍ക്ക് രോഗം സ്ഥിരീകരിച്ചു. ആകെ രോഗബാധിതര്‍ ഒന്നര ലക്ഷം കടന്നു. 1,407 പേരുടെ ജീവന്‍ ഇതുവരെ നഷ്ടമായി. 76,614 പേര്‍ ഇതിനോടകം രോഗമുക്തരായി. 72,188 രോഗികളാണ് നിലവില്‍ ചികിത്സയില്‍ തുടരുന്നത്.കര്‍ണാടകയില്‍ കോവിഡ് ബാധിതരുടെ എണ്ണം 1.30 ലക്ഷത്തിലേക്ക് അടുക്കുന്നു. ശനിയാഴ്ച 5,172 പേര്‍ക്കുകൂടി രോഗം സ്ഥിരീകരിച്ചു. കഴിഞ്ഞ 24 മണിക്കൂറിനുള്ളില്‍ 98 പേര്‍ മരിച്ചതോടെ ആകെ മരണം 2,412 ആയി ഉയര്‍ന്നു.