കോണ്ഗ്രസിന്റെ സഹായത്തോടെ നിതീഷ്കുമാര് വിശ്വാസവോട്ട് നേടി, ബിജെപി പിളര്പ്പിന്റെ വക്കിലെത്തി, വോട്ടെടുപ്പ് ബഹിഷ്കരിച്ചു
നാടകീയമുഹൂര്ത്തത്തിനൊടുവില് ബിഹാര് മുഖ്യമന്ത്രി നിതീഷ് കുമാര് നിയമസഭയില് വിശ്വാസവോട്ട് നേടി. 243 അംഗ സഭയില് 24 നെതിരെ 126 വോട്ടുകള് നേടിയാണ് സര്ക്കാര് ഭൂരിപക്ഷം തെളിയിച്ചത്. ഭൂരിപക്ഷത്തിന് 122 പേരുടെ പിന്തുണ വേണ്ടിയിരുന്നിടത്താണ് 118 അംഗങ്ങളുള്ള ജെ.ഡി.യുവിന് സ്പീക്കറെ ഒഴിവാക്കി പുറമെ നിന്ന് ഒമ്പത് പേരുടെ പിന്തുണ കൂടി ലഭിച്ചത്.
ബി.ജെ.പി വോട്ടെടുപ്പ് ബഹിഷ്കരിച്ചപ്പോള് കോണ്ഗ്രസ് സര്ക്കാരിന് അനുകൂലമായി വോട്ട് ചെയ്തു. നാല് അംഗങ്ങളാണ് കോണ്ഗ്രസിന് സഭയിലുള്ളത്. പുറമെ സ്വതന്ത്രരില് നാല് പേരും സി.പി.ഐയുടെ ഏക അംഗവും സര്ക്കാരിനെ അനുകൂലിച്ചു. എതിര്ത്ത് വോട്ട് ചെയ്തത് ലാലുപ്രസാദിന്റെ ആര്.ജെ.ഡിയും രണ്ട് സ്വതന്ത്രരും മാത്രമാണ്. നാടകീയ മുഹൂര്ത്തങ്ങളാണ് പട്നയില് ഇന്ന് നടന്നത്. രാവിലെ നിയമസഭാകക്ഷി യോഗം ചേര്ന്നപ്പോള് ആറ് ബി.ജെ.പി അംഗങ്ങള് വിട്ടുനിന്നു. സഭയില് വോട്ടെടുപ്പുണ്ടായാല് സര്ക്കാരിന് അനുകൂലമായി ഇവര് വോട്ട് ചെയ്യുമെന്ന് സൂചനയും വന്നു. അതോടെ നിയമസഭയില് വിശ്വാസപ്രമേയത്തിന്റെ ചര്ച്ചയ്ക്കിടെ ബി.ജെ.പി വോട്ടെടുപ്പ് ബഹിഷ്കരിച്ച് ഇറങ്ങിപ്പോയി. 243 അംഗ സഭയില് ബി.ജെ.പി.ക്ക് 91 എം.എല്.എ.മാരാണുള്ളത്.
https://www.facebook.com/Malayalivartha