സുരക്ഷാ മുന്‍കരുതല്‍ പാലിച്ച് നാളെ മുതല്‍ ജിംനേഷ്യങ്ങളും യോഗാകേന്ദ്രങ്ങളും തുറക്കാം..... കണ്ടെയ്ന്‍മെന്റ് സോണുകളില്‍ ഇവ തുറക്കില്ല
കോവിഡ് വ്യാപനത്തിന്റെ പശ്ചാത്തലത്തില്‍ അടച്ചിട്ട ജിംനേഷ്യങ്ങളും യോഗാകേന്ദ്രങ്ങളും സുരക്ഷാമു9കരുതല്‍ പാലിച്ച് നാളെ (ബുധനാഴ്ച) മുതല്‍ തുറക്കാ9 അനുമതി നല്‍കി . കണ്ടെയ്ന്‍മെന്റ് സോണുകളില്‍ ഇവ തുറക്കില്ല . 65 വയസിന് മുകളിലുള്ളവര്‍, രോഗാവസ്ഥയിലുള്ളവര്‍, ഗര്‍ഭിണികള്‍, പത്ത് വയസ്സിന് താഴെയുള്ളവര്‍ എന്നിവര്‍ അടച്ചുപൂട്ടിയ സ്ഥലങ്ങളിലുള്ള ജിംനേഷ്യവും യോഗ സെന്ററുകളും ഉപയോഗിക്കരുത്.
നിര്‍ദ്ദേശങ്ങളിങ്ങനെ.... പരസ്പരം പരമാവധി ആറടി അകലം പാലിക്കണം . മാസ്‌ക് ധരിക്കണം. വ്യായാമവേളയില്‍ മാസ്‌കിനു പകരം മുഖം മറയ്ക്കുന്ന പ്ലാസ്റ്റിക് ആവരണം (വൈസര്) വയ്ക്കാം. ഇടയ്ക്കിടെ സാനിറ്റൈസര്‍ ഉപയോഗിക്കുന്നത് ശീലമാക്കണം. ചുമയ്ക്കുമ്പാഴും തുമ്മുമ്പോഴും മുഖം പൊത്തിപ്പിടിക്കണം . പൊതുസ്ഥലത്ത് തുപ്പരുത്. ആരോഗ്യസേതു ആപ് ഡൗണ്‍ലോഡ് ചെയ്യണം.
വ്യായാമ ഉപകരണങ്ങള്‍ ആറടി അകലത്തില്‍ വേണം. ഒരോ ഉപകരണത്തിനു സമീപവും സാനിറ്റൈസര്‍ വേണം. നിശ്ചിത ഇടവേളകളില്‍ അണുവിമുക്തമാക്കണം. തുറസ്സായ സ്ഥലത്തെ വ്യായാമവും യോഗയും പ്രോത്സാഹിപ്പിക്കണം.
അകത്തേക്കും പുറത്തേക്കും പ്രത്യേക കവാടം വേണം. പ്രവേശനകവാടത്തില്‍ സാനിറ്റൈസര്‍ നല്‍കണം. ലിഫ്റ്റിലും മറ്റും ആള്‍ക്കൂട്ടം ഒഴിവാക്കണം. ഡിജിറ്റല്‍ പെയ്‌മെന്റ് സൗകര്യം വേണം. സ്പാ, സ്റ്റീം ബാത്ത്, നീന്തല്‍ക്കുളം എന്നിവ അടച്ചിടണം.
"
https://www.facebook.com/Malayalivartha
