മുന് കര്ണാടക മുഖ്യമന്ത്രിയും മുതിര്ന്ന കോണ്ഗ്രസ് നേതാവുമായ സിദ്ധരാമയ്യക്ക് കോവിഡ് സ്ഥിരീകരിച്ചു..താനുമായി സമ്പര്ക്കം പുലര്ത്തിയ എല്ലാവരും നിരീക്ഷണത്തില് പോകണം
മുന് കര്ണാടക മുഖ്യമന്ത്രിയും മുതിര്ന്ന കോണ്ഗ്രസ് നേതാവുമായ സിദ്ധരാമയ്യക്ക് കോവിഡ് സ്ഥിരീകരിച്ചു. രോഗവിവരം ട്വിറ്ററിലൂടെ അദ്ദേഹം അറിയിക്കുകയായിരുന്നു. കോവിഡ് പോസിറ്റീവായതിനെ തുടര്ന്ന് ഇദ്ദേഹത്തെ ആശുപത്രിയില് പ്രവേശിപ്പിച്ചിരിക്കുകയാണ്. താനുമായി സമ്പര്ക്കം പുലര്ത്തിയ എല്ലാവരും നിരീക്ഷണത്തില് പോകണമെന്നും രോഗലക്ഷണങ്ങള് ഉണ്ടെങ്കില് പരിശോധനക്ക് വിധേയമാകണമെന്നും അദ്ദേഹം അറിയിച്ചു. കര്ണാടക മുഖ്യമന്ത്രി ബി.എസ്. യെദ്യൂരപ്പക്ക് കഴിഞ്ഞദിവസം കോവിഡ് സ്ഥിരീകരിച്ചിരുന്നു. ബംഗളൂരുവിലെ സ്വകാര്യ ആശുപത്രിയില് ചികിത്സയിലാണ് ഇദ്ദേഹം.
കര്ണാടകയില് ഇതുവരെ 1,39,571 പേര്ക്കാണ് രോഗം സ്ഥിരീകരിച്ചത്. 2594 പേര് സംസ്ഥാനത്ത് ഇതുവരെ കോവിഡ് ബാധിച്ച് മരിക്കുകയും ചെയ്തു. 62,500 പേര് രോഗമുക്തി നേടി. ബംഗളൂരുവിലാണ് ഏറ്റവും കൂടുതല് രോഗബാധിതര്. കേന്ദ്ര ആഭ്യന്തരമന്ത്രി അമിത് ഷാക്കും മധ്യപ്രദേശ് മുഖ്യമന്ത്രി ശിവരാജ് സിങ് ചൗഹാനും കോവിഡ് സ്ഥിരീകരിച്ചിരുന്നു. ഇരുവരും ആശുപത്രികളില് ചികിത്സയിലാണ്.
https://www.facebook.com/Malayalivartha