ഇന്ത്യയുടെ പ്രദേശങ്ങൾ ഉൾപ്പെടുത്തി പാക്കിസ്ഥാന്റെ പുതിയ ഭൂപടം പുറത്തിറക്കി. പത്ത് വർഷത്തിന് ശേഷം പാക്കിസ്ഥാൻ പുറത്തിറക്കുന്ന പുതിയ രാഷ്ട്രീയ ഭൂപടത്തിൽ സർ ക്രിക്ക് കൂടി ഉൾപ്പെടുത്തിയിട്ടുണ്ട്. 

ഗുജറാത്തിലെ ജുനഗഡ് അതി‍ർത്തിയായും കാണിച്ചുള്ള ഭൂപടമാണ് പാക്ക് പ്രധാനമന്ത്രി ഇമ്രാൻ ഖാൻ പുറത്തിറക്കിയത്.

ജമ്മു കശ്മീർ, ലഡാക്ക് തുടങ്ങിയ മേഖലകൾ പാക്കിസ്ഥാന്‍റെ ഭാഗമാണെന്ന അവകാശവാദം പുതിയ ഭൂപടത്തിലും ആവർത്തിക്കുകയാണ്. ഇന്ന് ചേർന്ന മന്ത്രിസഭയിലാണ് ഭൂപടത്തിന് അംഗീകാരം നൽകിയത്. ഇത് ചരിത്രപരമായ ദിവസമാണെന്ന് ഇമ്രാൻ ഖാൻ പറഞ്ഞു.