16 ആയാല് ഇനി മുതല് കുട്ടിക്കുറ്റവാളിയല്ല; മുതിര്ന്നയാള്, ക്രൂരമായ കുറ്റകൃത്യങ്ങള് ചെയ്യുന്ന പ്രായപൂര്ത്തി ആകാത്തവര്ക്ക് കടുത്ത ശിക്ഷ ഉറപ്പാക്കുന്ന രീതിയില് ജുവനൈല് ജസ്റ്റിസ് നിയമം ഭേദഗതി ചെയ്തു
പതിനാറായാല് കുട്ടിക്കുറ്റവാളി ഇനി മുതിര്ന്നയാള്. കുട്ടിക്കുറ്റവാളിയായി പരിഗണിക്കുന്നതിനുള്ള പ്രായം 18-ല്നിന്ന് 16 ആക്കുന്നതിന് ശുപാര്ശചെയ്യുന്ന ബാലനീതി നിയമഭേദഗതി ബില്ലിന് മന്ത്രിസഭ അംഗീകാരം നല്കിയിരിക്കുകയാണ്. നടപ്പ് പാര്ലമെന്റ് സമ്മേളനത്തില് ബില് അവതരിപ്പിക്കുമെന്ന് മന്ത്രിസഭാ യോഗ തീരുമാനങ്ങള് വിശദീകരിക്കവെ അരുണ് ജെയ്റ്റ്ലി വെളിപ്പെടുത്തി. ഗൗരവമേറിയ കുറ്റകൃത്യങ്ങള് ചെയ്യുന്ന കുട്ടിക്കുറ്റവാളികള്ക്ക് കടുത്ത ശിക്ഷ ഉറപ്പാക്കുന്നതിന് വേണ്ടിയിട്ടാണ് ഈ തീരുമാനമെടുത്തിരിക്കുന്നത്.
പതിനാറിനും പതിനെട്ടിനുമിടയിലാണ് കുറ്റം ചെയ്യുന്നതെങ്കിലും \'ജുവനൈല് ജസ്റ്റിസ് ബോര്ഡ്\' അത് പരിശോധിച്ച് കുട്ടിയാണോ മുതിര്ന്ന ആളാണോയെന്ന് വിലയിരുത്തും. മനഃശാസ്ത്രജ്ഞരും സാമൂഹിക വിദഗ്ധരും അടങ്ങുന്നതായിരിക്കും ആ ബോര്ഡ്. ബോര്ഡിന്റെ വിലയിരുത്തലിന്റെ അടിസ്ഥാനത്തിലാകും വിചാരണ. പതിനാറിനും പതിനെട്ടിനുമിടയിലുള്ളവര് കൊലപാതകം, ബലാത്സംഗം, കൊള്ള, ആസിഡ് ആക്രമണം മുതലായ അതിഹീനമായ കുറ്റകൃത്യങ്ങളാണ് ചെയ്തതെങ്കില് അവരെ മുതിര്ന്നവരെ പോലെ വിചാരണ ചെയ്യണമെന്നുള്ള നിയമഭേദഗതി ബില്ലിനാണ് അംഗീകാരം നല്കിയിരിക്കുന്നത്.
ബില്ല് പാര്ലമെന്റിന്റെ നടപ്പുസമ്മേളനത്തില് അവതരിപ്പിക്കും. കഴിഞ്ഞ ആഗസ്റ്റില് കരട് ബില്ലിന് അംഗീകാരം നല്കുകയും ലോക്സഭയില് അവതരിപ്പിക്കുകയും ചെയ്തിരുന്നു. പക്ഷെ, ബില് പാര്ലമെന്ററി സ്റ്റാന്റിംഗ് കമ്മിറ്റിക്ക് വിടുകയാണ് ചെയ്തത്. എന്നാല്, സ്റ്റാന്റിംഗ് കമ്മിറ്റിയുടെ ശുപാര്ശകള് എല്ലാം അംഗീകരിച്ച് കൊണ്ടാണ് കേന്ദ്ര മന്ത്രിസഭ അംഗീകാരം നല്കിയിട്ടുള്ളത്. കൊലപാതകം, ബലാത്സംഗം, കൊള്ള, ആസിഡ് ആക്രമണം തുടങ്ങിയ കുറ്റകൃത്യങ്ങള് ചെയ്യുന്ന കുട്ടികളെ വിചാരണ ചെയ്യണമെന്നാണ് വ്യക്തമാക്കുന്നത്.
ഗൗരവബുദ്ധിയോടെയാണോ കുട്ടി കുറ്റകൃത്യം ചെയ്തതെന്ന് ജുവനൈല് ജസ്റ്റിസ് ബോര്ഡ് പരിശോധിക്കും. തുടര്ന്നാകും വിചാരണ നല്കുക. കുട്ടിക്കുറ്റവാളികള്ക്ക് വധശിക്ഷയോ ജീവപര്യന്തം തടവോ വിധിക്കാന് വിചാരണ കോടതികള്ക്ക് അധികാരമില്ലെന്നാണ് ഭേദഗതിയില് വ്യക്തമാക്കുന്നത്. കുറ്റകൃത്യം ചെയ്യുന്ന പ്രായത്തിന് പകരം വിചാരണ നടപടി പൂര്ത്തിയായ ശേഷമുള്ള പ്രായം കണക്കിലെടുത്ത് ശിക്ഷ വിധിക്കണമെന്ന ഭേദഗതി നിയമത്തിലെ ശുപാര്ശ സ്റ്റാന്റിംഗ് കമ്മിറ്റി തള്ളിയിരുന്നു.
ക്രൂരകുറ്റകൃത്യങ്ങള് ചെയ്യുന്ന കുട്ടിക്കുറ്റവാളികള് നിയമത്തിന് മുന്നില് നിന്നും രക്ഷപ്പെടുകയാണെന്ന് ഇതിന് മുമ്പ് മേനക ഗാന്ധി വ്യക്തമാക്കിയിരുന്നു. ഡല്ഹിയില് ബസില് വച്ച് കൂട്ടബലാത്സംഗത്തിന് ഇരയായ പെണ്കുട്ടിയുടെ സംഭവം ആര്ക്കും മറക്കാന് കഴിയില്ല. പെണ്കുട്ടിയെ ബലത്സംഗം ചെയ്ത പ്രതികള്ക്ക് കോടതി തക്കതായ ശിക്ഷയും നടപ്പിലാക്കിയില്ല. കാരണം 18 വയസ് പൂര്ത്തിയായില്ല എന്ന കാരണത്താലാണ് കുട്ടിക്കുറ്റവാളികള്ക്ക് കടുത്ത ശിക്ഷ നടപ്പിലാക്കാതിരുന്നതും .ഡല്ഹിയിലെ ഈ നീച സംഭവമാണ് ബാലനീതി നിയമഭേദഗതി ബില്ലിന് മന്ത്രിസഭ അംഗീകാരം നല്കാന് ഇടയാക്കിയത്.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
