അമിത് ഷായുടെ കൊറോണ പരിശോധന ഫലം നെഗറ്റീവ്..ഡോക്ടര്മാരുടെ നിര്ദ്ദേശ പ്രകാരം കുറച്ചു ദിവസങ്ങള് കൂടി നിരീക്ഷണത്തില് തുടരും ..
കേന്ദ്ര ആഭ്യന്തരമന്ത്രി അമിത് ഷായുടെ കൊറോണ പരിശോധന ഫലം നെഗറ്റീവ് ആയി . എങ്കിലും ഡോക്ടര്മാരുടെ നിര്ദ്ദേശ പ്രകാരം അദ്ദേഹം കുറച്ചു ദിവസങ്ങള് കൂടി നിരീക്ഷണത്തില് തുടരും . അമിത് ഷാ തന്നെയാണ് ട്വിറ്ററിലൂടെയാണ് ഇക്കാര്യം അറിയിച്ചത്
ഇന്ന് എന്റെ കൊറോണ പരിശോധന ഫലം നെഗറ്റീവ് ആയിരിക്കുന്നു. ഈ സാഹചര്യത്തില് എനിക്കും എന്റെ കുടുംബത്തിനും ഒപ്പം നിന്ന എല്ലാവര്ക്കും നന്ദി പറയുന്നു. ഡോക്ടര്മാരുടെ നിര്ദ്ദേശ പ്രകാരം കുറച്ചു ദിവസങ്ങള് കൂടി വീട്ടില് ഐസൊലേഷനില് കഴിയും’. അമിത് ഷാ ട്വിറ്ററില് കുറിച്ചു.
മേദാന്ത ആശുപത്രിയില് തന്നെ ചികിത്സിച്ച ഡോക്ടര്മാര്ക്കും പാരാമെഡിക്കല് സ്റ്റാഫിനും അദ്ദേഹം നന്ദി അറിയിച്ചു.
ഡൽഹിയിൽ കൊറോണ രോഗ വ്യാപനം രൂക്ഷമായ സാഹചര്യത്തിൽ പ്രതിരോധ പ്രവർത്തനങ്ങൾ കേന്ദ്രം നേരിട്ട് എറ്റെടുത്തപ്പോൾ അമിത്ഷായാണ് പ്രവർത്തനങ്ങൾക്ക് നേതൃത്വം നൽകിയത്. ആശുപത്രികളിൽ അദ്ദേഹം നേരിട്ട് സന്ദർശനം നടത്തിയിരുന്നു.
ഓഗസ്റ്റ് 2നാണ് അമിത് ഷായ്ക്ക് കൊറോണ സ്ഥിരീകരിച്ചത്. മന്ത്രിസഭാ യോഗത്തില് പങ്കെടുത്ത ശേഷമാണ് അമിത്ഷായ്ക്ക് കൊവിഡ് പോസറ്റീവ് ആയത്. പ്രധാനമന്ത്രി ഉള്പ്പടെ മുതിര്ന്ന ക്യാബിനെറ്റ് മന്ത്രിമാര് പങ്കെടുത്തതായിരുന്നു യോഗം. നിര്ണായക തീരുമാനമെടുത്ത ആ മന്ത്രിസഭാ യോഗത്തില് എല്ലാ സുരക്ഷാ മാര്ഗങ്ങളും സ്വീകരിച്ചിരുന്നതായി സര്ക്കാര് അറിയിച്ചിരുന്നു.
https://www.facebook.com/Malayalivartha
