കര്ഷകന്റെ ആത്മഹത്യ: പാര്ലമെന്റിന്റെ ഇരുസഭകളിലും ബഹളം, കേന്ദ്രസര്ക്കാരിന്റെ കര്ഷകവിരുദ്ധ നയങ്ങളാണു കര്ഷകനെ ആത്മഹത്യയിലേക്കു നയിച്ചതെന്ന് പ്രതിപക്ഷം
ആം ആദ്മി പാര്ട്ടി ഭൂമിയേറ്റെടുക്കല് ഭേദഗതിക്കെതിരെ നടത്തിയ റാലിക്കിടെ കര്ഷകന് ആത്മഹത്യ ചെയ്ത സംഭവത്തില് പാര്ലമെന്റിന്റെ ഇരുസഭകളിലും ബഹളം. കേന്ദ്രസര്ക്കാരിന്റെ കര്ഷകവിരുദ്ധ നയങ്ങളാണു കര്ഷകനെ ആത്മഹത്യയിലേക്കു നയിച്ചതെന്നു പ്രതിപക്ഷം ആരോപിച്ചു. ലോക്സഭയില് അടിയന്തിരപ്രമേയത്തിനു പ്രതിപക്ഷം നോട്ടീസ് നല്കിയെങ്കിലും സ്പീക്കര് അനുമതി നിഷേധിച്ചു. തുടര്ന്നുള്ള ബഹളത്തില് ഒരു തവണ സഭ നിര്ത്തിവയ്ക്കുകയായിരുന്നു. രാജ്യസഭയും രണ്ടു തവണ നിര്ത്തിവച്ചു.
പാര്ലമെന്റ് സ്ട്രീറ്റ് പൊലീസ് സ്റ്റേഷനില് എഫ്ഐആര് റജിസ്റ്റര് ചെയ്തിട്ടുണ്ടെന്നു കര്ഷക ആത്മഹത്യയെക്കുറിച്ച് ലോക്സഭയിലെ ചര്ച്ചയ്ക്കിടെ ആഭ്യന്തരമന്ത്രി രാജ്്നാഥ് സിങ് മറുപടി പറഞ്ഞു. കര്ഷകരുടെ പ്രശ്നങ്ങള് സര്ക്കാര് കണ്ടില്ലെന്ന് നടിക്കുന്നതായി കോണ്ഗ്രസ് നേതാവ് മല്ലികാര്ജുന ഖാര്ഗെ ആരോപിച്ചപ്പോള് ഏത് വിഷയത്തിലും ചര്ച്ചയക്കു തയാറാണെന്ന് മന്ത്രി വെങ്കയ്യ നായിഡു അറിയിച്ചു. ഗജേന്ദ്രസിങ് ആത്മഹത്യ ചെയ്ത സ്ഥലം ക്രൈംബ്രാഞ്ച് സംഘം സന്ദര്ശിച്ചു.
സിങ്ങിന്റെ കുടുംബത്തിന് 10 ലക്ഷം രൂപ നല്കാന് എഎപി തീരുമാനിച്ചതായി പാര്ട്ടി നേതാവ് സഞ്ജയ് സിങ് പറഞ്ഞു. സിങ്ങിന്റെ കുട്ടികളുടെ വിദ്യാഭ്യാസത്തിന് ആവശ്യമായ എല്ലാ സഹായവും പാര്ട്ടി നല്കുമെന്നും സഞ്ജയ് സിങ് വ്യക്തമാക്കിയിട്ടുണ്ട്. ഡല്ഹി മുഖ്യമന്ത്രി രാജിവയ്ക്കുക, കര്ഷകന്റെ കുടുംബത്തിനു നഷ്ടപരിഹാരം നല്കുക എന്നീ ആവശ്യങ്ങള് ഉന്നയിച്ച് അരവിന്ദ് കേജ്രിവാളിന്റെ സിവില് ലൈനിലെ ഔദ്യോഗിക വസതിയിലേക്കു രാവിലെ പത്തുമണിയോടെയാണ് നൂറിലേറെ വരുന്ന കോണ്ഗ്രസ് പ്രവര്ത്തകര് മാര്ച്ച് നടത്തിയിരുന്നു. പൊലീസ് ഉയര്ത്തിയ ബാരിക്കേഡുകള് മറികടന്നു മുന്നേറാന് പ്രവര്ത്തകര് ശ്രമിച്ചതു സംഘര്ഷത്തിനിടയാക്കി.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
