കര്ഷകന്റെ ആത്മഹത്യ: പ്രസംഗം തുടര്ന്നതില് കെജ്രിവാള് ഖേദം പ്രകടിപ്പിച്ചു
ഡല്ഹിയില് കഴിഞ്ഞ ദിവസം നടന്ന ആം ആദ്മി പാര്ട്ടിയുടെ കര്ഷക പ്രതിഷേധ റാലിക്കിടെ കര്ഷകന് ആത്മഹത്യാശ്രമം നടത്തിയതിനു ശേഷവും പ്രസംഗം തുടര്ന്നതില് മുഖ്യമന്ത്രി അരവിന്ദ് കെജ്രിവാള് ഖേദംപ്രകടിപ്പിച്ചു. കര്ഷകന് ആത്മഹത്യാശ്രമം നടത്തിയെന്നറിഞ്ഞിട്ടും റാലി നിര്ത്തിവയ്ക്കാത്തത് തന്റെ തെറ്റാണ്. വിവരം അറിഞ്ഞിട്ടും പ്രസംഗം തുടരാന് പാടില്ലായിരുന്നു. തന്റെ ഈ നടപടി ആരെയെങ്കിലും വേദനിപ്പിച്ചുവെങ്കില് ആത്മാര്ത്ഥമായി ഖേദം പ്രകടിപ്പിക്കുന്നു. ഏഷ്യന് ന്യൂസ് ഇന്റര്നാഷണലിന് നല്കിയ അഭിമുഖത്തിലാണ് കെജ്രിവാള് മനസ്സുതുറന്നത്.
സംഭവത്തില് ഡല്ഹി പോലീസിന്റെ അന്വേഷണത്തോട് പൂര്ണ്ണമായും സഹകരിക്കും. എന്നാല് ആം ആദ്മി പാര്ട്ടി പ്രവര്ത്തകര് ആത്മഹത്യാശ്രമത്തെ പ്രോത്സാഹിപ്പിച്ചു, തടയാന് ശ്രമിച്ചില്ല എന്ന പോലീസിന്റെ ആരോപണം ശരിയല്ല. പോലീസ് വിളിച്ചാല് താന് നേരിട്ടു പോയി മൊഴി നല്കുമെന്നും കെജ്രിവാള് പറഞ്ഞു.
കര്ഷകന്റെ ആത്മഹത്യ രാഷ്ട്രീയ ആയുധമാക്കുന്നത് ശരിയല്ല. ആത്മഹത്യല്ല, ആത്മഹത്യയ്ക്കു പിന്നിലുള്ള കാരണമാണ് ചര്ച്ചയാകേണ്ടത്. കൃഷിനാശമുണ്ടായ എല്ലാ കര്ഷകര്ക്കും നഷ്ടപരിഹാരം നല്കാന് കേന്ദ്രസംസ്ഥാന സര്ക്കാരുകള് തയ്യറാകണം. ആത്മഹത്യയില് ഡല്ഹി പോലീസ് അന്വേഷണവുമായി മുന്നോട്ടുപോകണം. കുറ്റക്കാര്, അവര് പോലീസോ പ്രവര്ത്തകരോ , ആരായാലും ശിക്ഷിക്കണപ്പെടണം. പോലീസ് അന്വേഷണത്തിനൊപ്പം തന്നെ സര്ക്കാരിന് സമാന്തരമായി ജില്ലാ മജിസ്ട്രേറ്റിന്റെ അന്വേഷണം നടത്തുന്നതിനും അധികാരമുണ്ടെന്നും കെജ്രിവാള് ചൂണ്ടിക്കാട്ടി. സര്ക്കാര് പ്രഖ്യാപിച്ച മജിസ്ട്രേറ്റിന്റെ അന്വേഷണത്തെ തള്ളിക്കളഞ്ഞ പോലീസ് കമ്മിഷണര് ബി.എസ് ബസ്സിയുടെ നിലപാടിനോട് പ്രതികരിക്കുകയായിരുന്നു അദ്ദേഹം.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
