ഞാന് തെറ്റുകാരനാണ് കുട്ടി, എനിക്ക് നിന്റെ അച്ഛന്റെ മരണം തടയാനായില്ല....ആം ആദ്മി നേതാവ് അശുതോഷ് ചാനല് ചര്ച്ചക്കിടെ പൊട്ടിക്കരഞ്ഞു
രണ്ട് ദിവസങ്ങള്ക്ക് മുമ്പ് റാലിക്കിടെ തുങ്ങി മരിച്ച കര്ഷകന്റെ ആത്മഹത്യ വലിയ പ്രതിഷേധമാണ് ഉണ്ടാക്കിയിരിക്കുന്നത്. കര്ഷകന്റെ ആത്മഹത്യ പ്രധാനമായി ബാധിച്ചിരിക്കുന്നത് ആം ആദ്മി പാര്ട്ടിയെയാണ്. കര്ഷകന് ആത്മഹത്യ ചെയ്യാന് ഒരുങ്ങുമ്പോഴും ആം ആദ്മി നേതാക്കള് ആരും തന്നെ തടയാനായി മുന്നോട്ട് വന്നില്ല. കര്ഷകന്റെ ആത്മഹത്യ വലിയ ആഘാതമാണ് എഎപിയ്ക്ക് സൃഷ്ടിച്ചിരിക്കുന്നത്. ആം ആദ്മി നേതാവ് അശുതോഷ് ഒരു കൊച്ചുകുട്ടിയെപ്പോലെ ചാനല് അഭിമുഖത്തില് പൊട്ടികരഞ്ഞത് വലിയ വാര്ത്തയായിരിക്കുകയാണ് ഇപ്പോള്.
ആജ്തക് ചാനലിന്റെ അഭിമുഖത്തിലാണ് അദ്ദേഹം പൊട്ടിക്കരഞ്ഞത്. കര്ഷകന്റെ ആത്മഹത്യയില് എഎപിയ്ക്കെതിരെ വന്ന ആരോപണങ്ങള് അശുതോഷിന് താങ്ങാനായില്ല. പാര്ട്ടി മനസ്സാവാചാ അറിയാത്ത കാര്യങ്ങള് ആരോപണമായി വന്നാല് എന്തുചെയ്യും എന്ന് ചോദിച്ചാണ് അദ്ദേഹം കരയാന് തുടങ്ങിയത്.
കൊച്ചുകുട്ടിയെപ്പോലെ പൊട്ടിക്കരഞ്ഞുകൊണ്ടാണ് അദ്ദേഹം തന്റെ ഉത്തരങ്ങള് നല്കിയത്. ഇത്തരം നിര്ണായക പ്രശ്നങ്ങളെ രാഷ്ട്രീയവല്ക്കരിക്കുന്നത് മാദ്ധ്യമപ്രവര്ത്തനമല്ലെന്നും അത്തരം മാദ്ധ്യമപ്രവര്ത്തനം അവസാനിപ്പിക്കണമെന്നും അദ്ദേഹം കൈകൂപ്പി അഭ്യര്ത്ഥിക്കുകയും ചെയ്തു.
ആത്മഹത്യ ചെയ്ത കര്ഷകന് ഗജേന്ദ്ര സിങ്ങിന്റെ 17കാരിയായ മകള് മേഘയും പരിപാടിയില് പങ്കെടുത്തിരുന്നു. തന്റെ അച്ഛന്റെ കീശയില്ക്കിടന്ന വ്യാജ ആത്മഹത്യാക്കുറിപ്പ് ആരാണ് തയ്യാറാക്കിയതെന്നും ആരാണ് അച്ഛന്റെ മരണത്തിന് ഉത്തരവാദിയെന്നും മേഘ ചോദിച്ചപ്പോഴാണ് അശുതോഷിന് നിയന്ത്രണം വിട്ട് പോയത്.\'ഞാന് തെറ്റുകാരനാണ് കുട്ടി. എനിക്ക് നിന്റെ അച്ഛന്റെ മരണം തടയാനായില്ലെ\'ന്നു പറഞ്ഞാണ് അശുതോഷ് പൊട്ടിക്കരഞ്ഞത്.
ഇത്തരം ആരോപണ പ്രത്യാരോപണങ്ങള് ഉന്നയിക്കുന്നതിനുവേണ്ടിയല്ല താന് രാഷ്ട്രീയത്തിലെത്തിയതെന്ന് അശുതോഷ് പറഞ്ഞു. ഗജേന്ദ്രയുടെ മരണത്തെ രാഷ്ട്രീയ ഉപകരണമാക്കി മാറ്റരുതെന്ന് അശുതോഷ് രാജ്നാഥ് സിങ്ങിനോടും അജയ്മാക്കനോടും സോണിയ ഗാന്ധിയോടുമായി അഭ്യര്ത്ഥിച്ചു.
രാജസ്ഥാനിലെ നംഗല് ജമര്വാദ ഗ്രാമത്തിലിരുന്നുകൊണ്ടാണ് മേഘ ഈ പരിപാടിയില് പങ്കെടുത്തത്. മേഘയുടെ ചോദ്യങ്ങള്ക്ക് ഉത്തരം പറയാനാകാതെ പൊട്ടിക്കരഞ്ഞ അശുതോഷ്, തന്റെ മുഖം ക്യാമറയില് വരാതിരിക്കാന് കൈകൊണ്ട് മറച്ചുപിടിക്കുകയും ചെയ്തു. ഗജേന്ദ്രയുടെ മരണം ആം ആദ്മിയെ എത്രത്തോളം വേട്ടയാടുന്നുണ്ടെന്നതിന് തെളിവാണ് അശുതോഷിന്റെ കരച്ചിലെന്ന് രാഷ്ട്രീയ നേതാക്കന്മാര് പറഞ്ഞു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
