നേപ്പാളിലും ഉത്തരേന്ത്യയിലും ഭൂകമ്പം: കേരളത്തില് തുടര്ചനലങ്ങള്
നേപ്പാളില് റിക്ടര് സ്കെയിലില് 7.4 രേഖപ്പെടുത്തിയ ശക്തമായ ഭൂകമ്പം അനുഭവപ്പെട്ടു. ആളപായമോ നാശനഷ്ടമോ ഉണ്ടായതായി ഇതുവരെ റിപ്പോര്ട്ടില്ല. ഭൂകമ്പത്തിന്റെ പ്രകമ്പനം ഉത്തരേന്ത്യയിലും അനുഭവപ്പെട്ടു. ഡല്ഹി, ബിഹാറിന്റെ തലസ്ഥാനമായ പാട്ന, ഉത്തര്പ്രദേശിലെ ലക്നൗ എന്നിവിടങ്ങളിലാണ് പ്രകമ്പനം ഉണ്ടായത്.
20 സെക്കന്റ് നീണ്ടുനിന്ന ഭൂചലനത്തില് വന് നാശനഷ്ടങ്ങള് റിപ്പോര്ട്ട് ചെയ്തിട്ടില്ല. ഡല്ഹി, പട്ന, ലക്നൗ, കൊല്ക്കത്ത, ജയ്പ്പൂര്, ചണ്ഢീഗഡ്, തുടങ്ങിയ നഗരങ്ങളില് ഭൂചലനം അനുഭവപ്പെട്ടു. ഇവിടങ്ങളില് കെട്ടിടങ്ങളില് ചെറിയ ചലനം അനുഭവപ്പെട്ടതോടെ ആളുകള് പുറത്തേക്ക് ഇറങ്ങിയോടി. ഇവിടെ ഇപ്പോഴും ജനങ്ങള് പരിഭ്രാന്ത്രിയിലാണ്. യൂറോപ്യന് മെഡിറ്ററേനിയന് സീസ്മോളജിക്കല് സെന്ററാണ് 7.4 രേഖപ്പെടുത്തിയത്.
രാവിലെ 11.40 നാണ് നേപ്പാളിലും വടക്കുകിഴക്കന് ഇന്ത്യയിലും ഭൂകമ്പമുണ്ടായത്. കാഠ്മണ്ഡുവിലാണ് ഭൂകമ്പത്തിന്റെ പ്രഭവകേന്ദ്രം. റാഞ്ചി, ഗുവഹാത്തി, കൊല്ക്കത്ത ഉള്പ്പെടെ പലയിടത്തും പ്രകമ്പനം അനുഭവപ്പെട്ടു.
11:50 നായിരുന്നു കൊച്ചിയില് ഭൂചലനമനുഭപ്പെട്ടത്. നേരിയ ചലനമായിരുന്നു ഇത്. ഉയര്ന്ന കെട്ടിടങ്ങളില് മാത്രമാണ് ഇതനുഭവപ്പെട്ടത്. ഭൂചലനത്തെ തുടര്ന്നു സോളാര് കമ്മീഷന്റെ സിറ്റിംഗ് നിര്ത്തിവച്ചു. ഡല്ഹിയടക്കമുള്ള സ്ഥലങ്ങളില് ആളുകള് കെട്ടിടങ്ങളില്നിന്നും ഇറങ്ങിയോടി. തുടര് ചലനങ്ങളുണ്ടാകാനുള്ള സാധ്യത അധികൃതര് തള്ളിക്കളഞ്ഞിട്ടില്ല. ഭൂചലനത്തെ തുടര്ന്നു ഡല്ഹി മെട്രോ സര്വീസുകള് നിര്ത്തിവച്ചു. വിവിധ സ്ഥലങ്ങളില് ഗതാഗത നിയന്ത്രണവും ഏര്പ്പെടുത്തി. പാക്കിസ്ഥാനിലും ഭൂചലനമനുഭവപ്പെട്ടു.
വലിയ കെട്ടിടങ്ങിളില് ശക്തമായ കുലുക്കമാണ് അനുഭവപ്പെട്ടതെന്നു ദൃക്സാക്ഷികള് പറഞ്ഞു. വിവിധ സംസ്ഥാനങ്ങളില് ഭീതി മാറാത്ത ജനങ്ങള് കെട്ടിടങ്ങളിലേയ്ക്കു തിരികെ കയറാന് വിസമ്മതിച്ചു.
അപ്പപ്പോഴുള്ള വാര്ത്തയറിയാന് ഞങ്ങളുടെഫേസ് ബുക്ക്Likeചെയ്യുക
https://www.facebook.com/Malayalivartha
