ഉത്തരാഖണ്ഡില്‍ വീണ്ടും ശക്തമായ മഴ
പ്രളയം താണ്ഡവമാടിയ ഉത്തരാഖണ്ഡില്‍ വീണ്ടും ശക്തമായ മഴ. പലയിടങ്ങളിലും മണ്ണിടിച്ചില്‍ ഉണ്ടായി. കഴിഞ്ഞ ഏതാനും ദിവസമായി പ്രളയം ദുരന്തം വിതച്ച ഉത്തരാഖണ്ഡില്‍ രക്ഷാപ്രവര്‍ത്തനങ്ങള്‍ പുരോഗമിക്കുന്നതിനിടയിലാണ്‌ വീണ്ടും മഴയെത്തിയത്‌. തുടര്‍ന്ന്‌ പലയിടങ്ങളിലേയും രക്ഷാ പ്രവര്‍ത്തനങ്ങള്‍ സൈന്യം നിര്‍ത്തിവെച്ചു.
ഉത്തരാഖണ്ഡില്‍ മാത്രം ഇതുവരെയുള്ള മരണപ്പെട്ടവരുടെ സംഖ്യ 1500ഓളം കടന്നു. ഉത്തരാഖണ്ഡിന്റെ വിവിധ ഭാഗങ്ങളില്‍ കുടുങ്ങിക്കിടക്കുകയായിരുന്ന 1000 പേരെ സൈന്യം സുരക്ഷിത സ്ഥാനങ്ങളില്‍ എത്തിച്ചു. എന്നാല്‍ 25000 പേര്‍ ഇപ്പോഴും കുടുങ്ങിക്കിടക്കുന്നതായാണ്‌ സൂചന. മരണ സംഖ്യ ഇനിയും ഉയരാനാണ്‌ സാധ്യത.
വരും ദിവസങ്ങളില്‍ മഴ കൂടുതല്‍ ശക്തമാകുമെന്നാണ്‌ കാലാവസ്ഥാ നിരീക്ഷണ കേന്ദ്രത്തില്‍ നിന്നും അറിയിച്ചത്‌. അതിനാല്‍ തന്നെ പലയിടങ്ങളിലായി കുടുങ്ങിക്കിടക്കുന്നവരെ രക്ഷിക്കാന്‍ സാധിക്കുമോയെന്ന ആശങ്കയുണ്ട്‌. അതിനിടെ പ്രധാനമന്ത്രിയുടെ ദുരിതാശ്വാസ നിധിയിലേക്ക്‌ ഒരു കോടി രൂപാ നല്‍കുമെന്ന്‌ ഡല്‍ഹി പോലീസ്‌ അറിയിച്ചു.
https://www.facebook.com/Malayalivartha
