രാജ്യത്തെ 11 സംസ്ഥാനങ്ങളിലെ 90 ജില്ലകളെ ഇടത് തീവ്രവാദ പ്രവർത്തനങ്ങൾ ബാധിച്ചതായി കേന്ദ്ര സര്ക്കാര് റിപ്പോർട്ട്
രാജ്യത്തെ 11 സംസ്ഥാനങ്ങളിലെ 90 ജില്ലകളെ ഇടത് തീവ്രവാദ പ്രവർത്തനങ്ങൾ ബാധിച്ചതായി കേന്ദ്ര സര്ക്കാര് റിപ്പോർട്ട് . ഇടതു തീവ്രവാദവുമായി ബന്ധപ്പെട്ട അക്രമങ്ങള് 2019ല് 61 ജില്ലകളില് റിപ്പോര്ട്ട് ചെയ്തിരുന്നു . 2020ല് ഇതുവരെ 46 ജില്ലകളിലും അക്രമം റിപ്പോര്ട്ട് ചെയ്തതായി ആഭ്യന്തര സഹമന്ത്രി ജി. കിഷന് റെഡ്ഡി വ്യക്തമാക്കി. 34 സുരക്ഷാ ഉദ്യോഗസ്ഥര്, 68 സാധാരണക്കാര്, 54 ഇടത് തീവ്രവാദികള് എന്നിവര് ഈ വര്ഷം കൊല്ലപ്പെട്ടിട്ടുണ്ട്. 241 പേര് കീഴടങ്ങി. രാകേഷ് സിന്ഹ എം.പിയുടെ ചോദ്യത്തിന് രേഖാമൂലം നല്കിയ മറുപടിയിലാണ് ഇതുസംബന്ധിച്ച വിവരങ്ങള്.
തീവ്രവാദത്തിനെതിരെ പോരാടാന് സംസ്ഥാനങ്ങള്ക്ക് കേന്ദ്രത്തിന്റെ പിന്തുണയുണ്ട്. കേന്ദ്ര സായുധ പൊലീസിനെയും ഹെലികോപ്ടറുകളെയും ലഭ്യമാക്കുന്നുണ്ട്. വിവിധ പദ്ധതികളിലായി മതിയായ സാമ്ബത്തിക സഹായവും സംസ്ഥാനങ്ങള്ക്ക് ഇടത് തീവ്രവാദത്തെ നേരിടുന്നതിനായി നല്കുന്നുണ്ടെന്ന് മന്ത്രി അറിയിക്കുകയും ചെയ്തു .
ഇന്നും തെലുങ്കാനയില് രണ്ടു മാവോയിസ്റ്റുകളെ ഏറ്റുമുട്ടലില് വധിച്ചു. കുമരം ഭീം ജില്ലയിലായിരുന്നു ഏറ്റുമുട്ടല്.ശനിയാഴ്ച രാത്രി 9.30ഓടെയായിരുന്നു ഏറ്റുമുട്ടല്. സംഘത്തില് ഏഴോളം പേരുണ്ടായിരുന്നു. ഇവര് ഒളിച്ചിരിക്കുന്നതായി വിവരം ലഭിച്ചതിനെ തുടര്ന്ന് പ്രദേശത്ത് തിരച്ചില് നടത്തുകയായിരുന്നു ദൗത്യസേന. സേനക്ക് മുന്നില് അകപ്പെട്ട ഭീകരന്മാരോട് കീഴടങ്ങാന് ആവശ്യപ്പെട്ടുകയായിരുന്നു. ആവശ്യം നിരാകരിച്ച കമ്മ്യൂണിസ്റ്റ് ഭീകരര് ദൗത്യസേനക്ക് നേരെ നിറയൊഴിക്കുകയായിരുന്നു. തുടര്ന്ന് സൈന്യം നടത്തിയ പ്രത്യാക്രമണത്തില് രണ്ട് ഭീകരര് കൊല്ലപ്പെടുകയായിരുന്നു. തുടര്ന്ന് നാല് ഭാഗത്തായി ചിതറിയ സംഘത്തിലെ മറ്റുള്ളവര് ഓടി രക്ഷപ്പെട്ടു. പ്രത്യേകസേനയായ ഗ്രേഹൗണ്ട്സും പോലീസും സംയുക്തമായാണു മാവോയിസ്റ്റുകളെ നേരിട്ടത്. രണ്ട് ആയുധങ്ങളും മാവോയിസ്റ്റ് ലഘുലേഖകളും പോലീസ് കണ്ടെടുത്തു.
https://www.facebook.com/Malayalivartha